Mikhail Gorbachev: Diferenzas entre revisións
m engado a Categoría:Premios Nobel de Rusia mediante HotCat |
elimino sintaxe desbotada |
||
Liña 1: | Liña 1: | ||
{{Infpolitico |
{{Infpolitico |
||
|nome = Mikhail Serguéivich Gorbachev {{Icona nobel paz}} |
|nome = Mikhail Serguéivich Gorbachev {{Icona nobel paz}} |
||
|imaxe= |
|imaxe= Gorbatschow DR-Forum 129 b2.jpg |
||
|datadenacemento = [[2 de marzo]] de [[1931]] |
|datadenacemento = [[2 de marzo]] de [[1931]] |
||
|cidadedenacemento = [[Privol'noe]] |
|cidadedenacemento = [[Privol'noe]] |
Revisión como estaba o 13 de maio de 2019 ás 09:16
Mikhail Sergeevich Gorbachev (en ruso: Михаил Сергеевич Горбачёв), nado en Privolnoe o 2 de marzo de 1931, é un político ruso que foi o Secretario Xeral do Partido Comunista da Unión Soviética (PCUS) desde 1985 ata 1989 e Presidente Executivo da Unión de Repúblicas Socialistas Soviéticas de 1989 a 1991.
Traxectoria
Naceu o 2 de marzo de 1931 (outras fontes afirman que naceu en 1935) en Privolnoe, Rusia, no seo dunha familia campesiña. En 1952 ingresou ao Partido Comunista e tres anos despois contraeu matrimonio con Raisa Maksimovna Titorenko, con quen tería unha filla, Irina. Ese mesmo ano obtivo o título de avogado na Universidade de Moscova. En 1978 foi elixido Secretario de Agricultura no Comité Central do Partido Comunista e dous anos despois converteuse no membro máis novo do Politburó.
Trala inesperada morte de Konstantín Chernenko, en abril de 1985, Gorbachev foi elixido Secretario Xeral do Partido Comunista da URSS e polo tanto, o gobernante de facto da Unión Soviética. Trala reorganización do partido e do sistema electoral, foi elixido xefe de Estado (1989) e primeiro Presidente da URSS polo Congreso (1990). As súas reformas estruturais á vida política e económica da URSS, coñecidas polos seus nomes rusos Glásnost e Perestroika, minaron o monopolio exercido polo comunismo nos países do leste e puxeron fin á guerra fría.
En marzo de 1991 convocouse a un referendo na Unión Soviética, o 78% da poboación dixo si ao mantemento da URSS. En agosto dese ano foi destituído por un grupo de altos cargos do PCUS e do Goberno que buscaban deixar sen efecto o Acordo de Belovezhie, que disolvía de facto a URSS ao separarse Ucraína, Rusia e Belarús. Foi retido durante tres días na súa residencia de verán en Forós (Crimea), pero puido reasumir as súas funcións tralo fracaso do golpe de Estado. Modificou a lexislación que permitía o monopolio político exclusivo do PCUS e decretou a nulidade da anexión das Repúblicas bálticas, dando deste modo vía libre para a súa independencia.
Debilitado polos ataques do presidente da Federación rusa, Boris Eltsin e tras un van intento de que as Repúblicas restantes asinasen o Tratado da Unión, decidiu renunciar como Secretario Xeral do Partido Comunista e disolver o Comité Central. O Nadal dese mesmo ano disolveu oficialmente a Unión de Repúblicas Socialistas Soviéticas e renunciou como Presidente Executivo trala negativa dos presidentes das Repúblicas da Comunidade de Estados Independentes (CEI) a recoñecer os órganos do poder central.
Mikhail Gorbachev recibiu o Premio Nobel da Paz en 1990, pola súa contribución á distensión mundial.
Dende 1992 Mikhail Gorbachev dirixe a fundación que leva o seu nome e que ten filiais en países como os EUA, Suíza, Rusia ou Italia. Participou nalgunhas eleccións rusas, obtendo pobres resultados, e na actualidade é o presidente do Partido Socialdemócrata de Rusia.
Obras selectas
- Perestroika, 1988.
- The August Coup: The Truth and the Lessons, 1991.
- Memorias, 1996.
Véxase tamén
A Galipedia ten un portal sobre: Rusia |
Commons ten máis contidos multimedia sobre: Mikhail Gorbachev |
Outros artigos
Ligazóns externas
- Páxina oficial de Mijail Gorbachev (en inglés).
- Time 100: Mikhail Gorbachev (en inglés).
- Nobel e-Museum: Mikhail Gorbachev (en inglés).
- Presidentes executivos da URSS
- Presidentes do Soviet Supremo
- Premio Nobel da Paz
- Premios Príncipe de Asturias de Cooperación Internacional
- Nados en 1931
- Nados no krai de Stavropol
- Doutores honoris causa pola Universidade Autónoma de Madrid
- Doutores honoris causa pola Universidade Complutense de Madrid
- Premios Nobel de Rusia