Fredrik Bajer

Fredrik Bajer
Nacemento	21 de abril de 1837
Lugar de nacemento	Nästved, Dinamarca
Falecemento	22 de xaneiro de 1922 (84 anos)
Lugar de falecemento	Copenhaguen, Dinamarca
Soterrado	Bispebjerg Cemetery
Nacionalidade	Dinamarca
Alma máter	Sorø Academy
Ocupación	Escritor, pacifista e político
Cónxuxe	Matilde Bajer
Premios	Premio Nobel da Paz
Na rede
[ editar datos en Wikidata ]

Fredrik Bajer, nado en Nästved o 21 de abril de 1837 e finado en Copenhaguen o 22 de xaneiro de 1922, foi un escritor, pacifista e político dinamarqués. En 1908 foille concedido o Premio Nobel da Paz.

Traxectoria

Fillo dun pastor luterano, serviu como oficial no exército dinamarqués, loitou na guerra contra Prusia e Austria de 1864 e alcanzou o grao de tenente primeiro, desmobilizado en 1865, estableceuse en Copenhaguen como profesor, tradutor e escritor.

En 1872 entrou no Folketing, apoiou moitas organizacións pacifistas en Dinamarca e en Europa. En 1882 foi un dos fundadores da Asociación Danesa para a Paz e da Oficina Internacional para a Paz, en Berna (1891).

No seu discurso de recepción do Premio Nobel fixo algunhas suxestións para mellorar o traballo pola paz, incluíndo o apoio á lingua internacional esperanto.