Ernesto Teodoro Moneta
Ernesto Teodoro Moneta | |
---|---|
Nacemento | 20 de setembro de 1833 |
Lugar de nacemento | Milán, Italia |
Falecemento | 10 de febreiro de 1918 (84 anos) |
Lugar de falecemento | Milán |
Causa | pneumonía |
Soterrado | Missaglia |
Nacionalidade | Reino de Italia |
Alma máter | Milán |
Ocupación | Xornalista, político e pacifista |
Irmáns | Enrico Moneta |
Premios | Premio Nobel da Paz |
Na rede | |
[ editar datos en Wikidata ] | |
Ernesto Teodoro Moneta, nado en Milán o 20 de setembro de 1833 e finado o 10 de febreiro de 1918, foi un militante pacifista italiano, distinguido co premio Nobel da Paz en 1907.
Traxectoria[editar | editar a fonte]
Quizais non está lonxe o día no que todos os pobos, esquecendo os antigos odios, se reúnan baixo a bandeira da fraternidade universal e, deixando todas as disputas, cultiven entre eles relacións absolutamente pacíficas, como o comercio e as actividades industriais, estreitando sólidos lazos. Nós esperamos ese día...
Estas foron as palabras que pronunciou nun dos congresos nos que participou tras a adhesión ás ideas pacifistas que empezaban a xurdir entre o final do século XIX e o principio do século XX.
Moneta, antigo patriota e xornalista, participou nas Cinco xornadas de Milán —sublevación contra os austríacos— e foi garibaldino. Dirixiu desde 1867 o periódico Il Secolo, seguidor das ideas e valores garibaldinos e radicais. En 1887 contribuíu na fundación da Unión Lombarda para a Paz e a Arbitraxe.
Na súa cidade natal, Milán, hai un monumento na súa memoria no que se pode ler a seguinte inscrición: «Ernesto Teodoro Moneta - Garibaldino - Pensador - Publicista - Apóstolo da paz entre xente libre».
Véxase tamén[editar | editar a fonte]
Ligazóns externas[editar | editar a fonte]
- Premio Nobel (en inglés)