Comunidade de Estados Independentes

Na Galipedia, a Wikipedia en galego.
Este é un dos 1000 artigos que toda Wikipedia debería ter.
Comunidade de Estados Independentes (CEI)
Содружество Независимых Государств (СНГ)
Bandeira de Comunidade de Estados Independentes (CEI)Содружество Независимых Государств (СНГ)
Bandeira
Escudo de Comunidade de Estados Independentes (CEI)Содружество Независимых Государств (СНГ)
Escudo
 
Situación de Comunidade de Estados Independentes
 
Sede Minsk
Idioma oficial ruso
[[]] Bloque comercial e de cooperación internacional
Membros Armenia, Acerbaixán, Bielorrusia, Casaquistán, Quirguicistán, Moldavia, Rusia, Taxiquistán, Turkmenistán, Usbequistán (Ucraína como participante)
Superficie
 • Total

22.100.843 km2 km²
Poboación
 • Total
 • Densidade

276.917.629
n/d
Sitio web http://www.cis.minsk.by/

A Comunidade de Estados Independentes (CEI) é unha organización supranacional composta por 10 das 15 ex-repúblicas soviéticas, coa excepción dos 3 estados bálticos: Estonia, Letonia e Lituania, que na actualidade son membros da Unión Europea; Turkmenistán, que abandonou a organización o 26 de agosto do 2005 para converterse en membro asociado; e Xeorxia, que se retirou o 18 de agosto de 2009. Mongolia participa nalgunhas estruturas da CEI como observador. Ucraína de iure non é membro da CEI, ao non ratificar o estatuto da organización, malia que é un estado fundador e membro da Comunidade.

A súa creación asinou a disolución da Unión Soviética e, segundo Vladimir Putin, o seu propósito foi o permitir un "divorcio civilizado" entre as repúblicas que conformaban a Unión. Dende a creación da CEI asináronse numerosos documentos sobre cooperación económica, defensa e relacións internacionais entre os seus estados membros.

A CEI é unha asociación pouco firme de estados, e non pode compararse de ningunha maneira a unha federación, confederación ou unión supranacional como pode ser a Unión Europea. É máis comparable á Commonwealth de Nacións. Aínda que a CEI ten poucos poderes supranacionais, pretende ser máis ben unha organización simbólica, nominalmente posúe competencias nos campos do comercio, finanzas, lexislación e seguridade. Tamén promociona a cooperación na democratización e a prevención do crime transfronteriza.

Historia[editar | editar a fonte]

A organización fundárona o 8 de decembro de 1991 a República de Bielorrusia, a Federación Rusa e Ucraína, cando os líderes deses tres países reuníronse na reserva natural de Belovezhskaya Pushcha, a uns 50 quilómetros ao norte de Brest, en Bielorrusia, e asinaron o Tratado de Belovesh (ruso: Соглашение, Soglasheniye), polo que se disolvía a Unión Soviética e se creaba a CEI como entidade sucesora da URSS. Ao mesmo tempo anunciaron que a nova alianza estaría aberta a todas as repúblicas da antiga Unión Soviética, ademais de a outras nacións que compartisen os mesmos obxectivos. A constitución da afirmaba que todos os membros eran nacións soberanas e independentes, e polo tanto abolía á Unión Soviética.

O 21 de decembro de 1991, os líderes de oito ex-repúclicas soviéticas máis (Armenia, Acerbaixán, Casaquistán, Quirguicistán, Moldavia, Taxiquistán, Turkmenistáne Usbequistán), asinaron o protocolo Alma-Ata e uníronse á CEI, aumentando o número de países participantes a 11. Xeorgia uniríase dous anos despois, en decembro de 1993. A partir de entón, 12 das 15 antigas repúblicas soviéticas participaron na CEI. As tres repúblicas bálticas, Estonia, Letonia e Lituania, decidiron non unirse.

Dirixentes da Comunidade de Estados Independentes reunidos en 2008 en Bishkek.

Entre os anos 2003 e 2005, tres estados membros da CEI experimentaron cambios de goberno nunha serie de revolucións de cores: Eduard Shevardnadze foi derrocado en Xeorxia; Viktor Yushchenko foi elexido en Ucraína; e, por último, Askar Akayev foi derrocado en Quirguicistán. En febreiro do ano 2006 Xeorxia retirouse oficialmente do Consello de Ministros de Defensa, alegando que "Xeorxia está en proceso de unirse á OTAN e non pode estar en dúas estruturas militares á vez", aínda que seguíu sendo membro da CEI ata agosto de 2009, un ano despois da súa baixa oficial despois da guerra de Osetia do Sur en 2008. En marzo de 2007, Igor Ivanov, o secretario do Consello de Seguridade Ruso, expresou as súas dúbidas sobre a utilidade da CEI, emfatizando que a Comunidade Económica Eurasiática estábase a converter nunha organización máis competente para unificar aos países máis grandes da CEI. Despois da retirada de Xeorxia, os presidentes de Taxiquistán, Turkmenistáne Usbequistán faltaron á reunión de outubro do 2009 da organización.

En maio do 2009 Armenia, Acerbaixán, Bielorrusia, Xeorxia, Moldavia e Ucraína uníronse á Asociación Oriental, un proxecto iniciado pola Unión Europea.

Véxase tamén[editar | editar a fonte]

Commons
Commons ten máis contidos multimedia sobre: Comunidade de Estados Independentes

Ligazóns externas[editar | editar a fonte]