Hô Chi Minh

Hô Chi Minh
Nguyễn Sinh Cung
Datos persoais
Nacemento	19 de maio de 1890
	Kim Liên
Falecemento	2 de setembro de 1969
	Hanoi
Organización	Partido Comunista de Indochina Viet Minh Fronte Nacional de Liberación Partido Comunista de Vietnam
Pai	Nguyễn Sinh Sắc
Nai	Hoang Thi Loan
Alma máter	Universidade Comunista dos Trabalhadores do Oriente e Quoc Hoc – Hue High School for the Gifted
Profesión	Político
Relixión	Religião tradicional vietnamita
[ editar datos en Wikidata ]

Hô Chi Minh (vietnamita Hồ Chí Minh), de verdadeiro nome Nguyễn Sinh Cung, e coñecido como Bác Hồ (Tío Ho), nado o en Kim Liên 19 de maio de 1890 e finado en Hanoi o 2 de setembro de 1969, foi un político e revolucionario vietnamita, e Presidente (1954 - 1969) de Vietnam do Norte.

Traxectoria

Recibiu o nome de Nguyễn Tất Thành aos 10 anos. Aos 15 anos emigrou a Europa, onde se adheriu ó comunismo durante a súa estancia en Francia (1915 - 1923). En 1919, Ho Chi Minh tentou solicitar na conferencia de Versalles igualdade de dereitos para a colonia de Indochina. Membro fundador do PCF, trasladouse a Moscova. Máis tarde foi enviado polo Komintern a Hong Kong, onde fundou o Partido Comunista de Indochina tralas revoltas de 1930 en Vietnam.

Adoptou o nome de Ho Chi Minh (o que ilumina), e volveu ó seu país en 1941, formando o Viet Minh (Viet Nam Da Lap Dong Minh Hoi, Liga para a Independencia de Vietnam) ó que se adheriron grupos nacionalistas, quedando Vo Nguyen Giap ó mando dos grupos armados.

Declaración de Independencia e guerra

O 2 de setembro de 1945 declarou a independencia de Vietnam, pero ao non aceptala os franceses na conferencia de Fontainebleau, en decembro de 1946 desatouse a guerra. Trala vitoria de Dien Bien Phu (7 de maio de 1954), foi proclamado Presidente da República Democrática de Vietnam. Ao non convocarse o referendo sobre a unificación dos dous estados, en 1959 ordenou o apoio ás guerrillas que xa actuaban dende o ano anterior en Vietnam do Sur, formando a Fronte Nacional de Liberación (FNL), o que provocou a intervención dos Estados Unidos, guerra que non vería rematada.

Mausoleo de Ho Chi Min en Hanoi

Durante moitos anos viviu nunha pequena casa, pese aos ofrecementos do goberno de trasladarse a un mellor domicilio.

En 1975 Saigón foi renomeada Cidade Ho Chi Minh.

Precedido por Bảo Đại	Presidente da República Democrática de Vietnam 2 de setembro de 1945 – 2 de setembro de 1969	Sucedido  por Tôn Đức Thắng
Precedido por Trần Trọng Kim	Primeiro Ministro da República Democrática de Vietnam 2 de setembro de 1945 – 20 de setembro de 1955	Sucedido  por Phạm Văn Đồng
Precedido por Título novo	Presidente do Partido Comunista de Vietnam 1951 – 1969	Sucedido  por Ninguén
Precedido por Trường Chinh	Secretario Xeral do Partido Comunista de Vietnam 1956 – 1960	Sucedido  por Lê Duẩn

Véxase tamén

Ligazóns externas

• Obituary in The New York Times, 4 September 1969
• TIME 100: Hồ Chí Minh
• Hồ Chí Minh's biography
• Hồ Chí Minh pictures as slides