Autoxestión

Na Galipedia, a Wikipedia en galego.

A autoxestión é a xestión directa (autoorganizada) de calquera asociación por parte dos seus propios integrantes, sen inxerencia externa ou xerárquica. Nela rexe o principio de participación activa e control democrático; o concepto está principalmente enfocado ó aspecto económico como modelo económico político, no que os traballadores participan directamente na dirección das empresas, podéndose estender o seu uso a outros ámbitos relacionados co autogoberno. É unha práctica promovida principalmente polo anarquismo, especialmente as identificadas como socialistas libertarias.

Pode sinalarse como autoxestión económica á empresa privada autoxestionada, á autoxestión comunitaria e nun sentido algo extensivo á autoprodución e ó autofinanciamento.

Tamén se aplica a outras asociacións e organizacións sen ánimo de lucro, como asociacións culturais e sindicais.

Enfócase na soberanía persoal, para lograr un empoderamento efectivo das asociacións humanas por parte de cada un dos seus actores, promovendo a creatividade e a cooperación como principios. A administración deste organismo polos seus partícipes dáse nun réxime autoorganizado por democracia directa ou por decisións consensuadas, e a súa orixe conceptual indica que as tarefas sinxelas de facer deben ser feitas polas persoas directamente afectadas.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]