Friedrich Engels

Na Galipedia, a Wikipedia en galego.
Friedrich Engels
Engels.jpg
Nacemento 28 de novembro de 1820
Lugar Barmen
Falecemento 13 de agosto de 1895
Lugar Londres
Nacionalidade Alginet station
Relixión ateísmo
Alma máter Universidade Humboldt de Berlín
Ocupación economista, científico social, political theorist, filósofo, escritor, revolucionário, sociólogo e feminista
Coñecido/a por Manifesto do Partido Comunista e Die deutsche Ideologie
editar datos en Wikidata ]

Friedrich Engels, nado en Barmen (Prusia) o 28 de novembro de 1820 e finado en Londres o 5 de agosto de 1895, foi un economista e pensador alemán, principal colaborador e coautor da maioría das obras de Karl Marx, xunto co que desenvolveu a teoría comunista.

Traxectoria[editar | editar a fonte]

Engels naceu no seo dunha familia adiñeirada. A pesar disto, debeu abandonar cedo os seus estudos para dedicarse a traballar de dependente. Porén, comezou a estudar de xeito autodidacta no tempo libre que lle concedían o seu traballo e a súa familia. Ao igual que sucede con Marx, a filosofía hegeliana exerce unha grande influencia sobre el. En 1842 coñece a Marx, feito que cambiaría radicalmente a súa concepción das teorías revolucionarias e socialistas existentes até o momento. Nestes anos, tamén, retoma aos seus estudos oficiais, en concreto de economía política. A liña ideolóxica do seu pensamento resúmese en A situación da clase obreira en Inglaterra, que publica en 1844. Neste mesmo ano trasládase a París, onde se entrevista con Marx. A posta en común das súas ideas, moi próximas, lévaos a colaborar definitivamente a partir desa data. Esta amizade perduraría até a morte de Marx en 1883.

Se Marx se ocupou dos aspectos políticos, Engels inclinouse polo estudo da economía política. En colaboración con este publicou A Sagrada Familia, A ideoloxía alemá e o Manifesto do Partido Comunista, obra de grande repercusión nos séculos XIX e XX.

Billete de 50 marcos da República Democrática Alemá coa figura de Friedrich Engels

Véxase tamén[editar | editar a fonte]

Outros artigos[editar | editar a fonte]