Primeira Internacional

Primeira Internacional
Instancia de Internacional organización
Persoas e organizacións
Fundador/a George Odger (pt) Henri Tolain Edward Spencer Beesly (en)
Número de membros 6500000
Datas
Fundación / creación 28 de setembro de 1864  Disolución / destrución 1876
Cronoloxía
Substitúe Liga dos Comunistas  Substituído por Segunda Internacional
Localización
Sede Nova York Londres
Identificadores
VIAF 130915586 ISNI 0000000121582378 Freebase /m/012ffq
Fontes e ligazóns
Descrito pola fonte Archival fonds: International Workingmen's Association / First International (en) New International Encyclopedia "The New International Encyclopædia/Internationale (en) " Encyclopædia Britannica "1911 Encyclopædia Britannica/International, The (en) " Dicionario Enciclopédico Brockhaus e Efron "Q24468537 " Pequeno Dicionario Enciclopédico de Brockhaus e Efron "Q24729629 " Redes
Wikidata C:Commons

A Asociación Internacional de Traballadores, máis coñecida historicamente como Primeira Internacional, foi a primeira organización internacional dos traballadores. Fundada en Londres en 1864 logo dalgunhas xuntanzas o ano anterior entre obreiros franceses e organizacións sindicais británicas, agrupou inicialmente os sindicalistas ingleses, anarquistas, socialistas franceses e italianos republicanos.

Os seus fins eran a organización política do proletariado en Europa e o resto do mundo para estender internacionalmente a loita contra o capitalismo xa que, como este tiña carácter mundial, a revolución que pretendese destruílo tamén tiña que ter ese carácter, así coma un foro para examinar problemas en común e propoñer liñas de acción. Colaboraron nela Karl Marx e Friedrich Engels. A AIT financiou folgas en toda Europa que provocaron o pánico e obsesión en diferentes gobernos europeos pensando que tiña un poder maior do que tiña en realidade, sobre todo despois dos sucesos da Comuna de París en 1871. Houbo tensións grandes entre Marx, sobre todo seguido polos obreiros industriais, e Mikhail Bakunin, que atraía sobre todo a xornaleiros do campo; diferenciábanse nos métodos para acadar a meta final: os marxistas eran partidarios de organizarse nun partido para conquistar o Estado e Bakunin era partidario dunha revolución inmediata contra todas as institucións estatais. As diferenzas levaron á escisión entre marxistas e anarquistas, tralo cal os partidarios de Bakunin foron expulsados.

En 1872 a organización trasladouse aos Estados Unidos de América, disolvéndose oficialmente en 1876. En 1889 estableceuse a Segunda Internacional como a sucesora nos seus fins políticos.