Lingua húngara

Na Galipedia, a Wikipedia en galego.
Húngaro
'Magyar'
Falado en: Hungría, e minorías en Austria, Israel, Romanía, Eslovaquia, Eslovenia, Ucraína, Serbia
Rexións: Europa oriental
Total de falantes: 14,5 millóns
Posición: 66
Familia: Urálica
 Urálica
  Fino-Úgrica
   Úgrica
    Húngaro
Estatuto oficial
Lingua oficial de: Flag of Hungary.svg Hungría
Flag of Vojvodina.svg Voivodina (Serbia)
Flag of Europe.svg Unión Europea
Regulado por: Instituto de Investigación de Lingüística da Academia Húngara de Ciencias
Códigos de lingua
ISO 639-1: hu
ISO 639-2: hun
ISO 639-3: hun
SIL: HNG
Dist of hu lang europe.png

O húngaro e unha lingua da familia fino-úgrica. É falada en Hungría e áreas adxacentes de Romanía, Serbia, Eslovaquia, Croacia, Austria e Eslovenia. O nome da lingua en húngaro e Magyar. Dos 14,5 millóns de falantes, uns 10 millóns viven na Hungría. O pobo que orixinou a lingua, os maxiares, emigraron dos Montes Urais no século IX para o oeste, fixándose na actual Hungría.

Clasificación[editar | editar a fonte]

O húngaro pertence ao grupo das linguas ugrofinesas da familia das linguas urálicas, máis especificamente, dentro do subgrupo das linguas ugrias. Xunto co estoniano, o éuscaro e o finés, pertence ao grupo das linguas europeas que non son da familia das linguas indoeuropeas, coas que tamén comparte o trazo tipolóxico de ser unha lingua aglutinante.

Esta é a teoría aceptada entre os lingüistas profesionais, se ben existen outras que pretenden emparenta-lo co turco polas semellanzas que comparten, ou co huno; porén, a maioría desas teorías alternativas non ten fundamento lingüístico algún, polo tanto non son aceptadas pola Academia Húngara de Ciencias, sendo consideradas pseudocientíficas.

Status oficial[editar | editar a fonte]

Lingua húngara en Voivodina, Serbia (censo do 2002)

O húngaro é a lingua oficial de Hungría, polo que posúe un status de lingua oficial da Unión Europea.

O húngaro tamén é lingua oficial da rexión serbia de Voivodina e en tres concellos de Eslovenia: Hodoš, Dobrovnik e Lendava.

A lingua húngara é considerada unha lingua minoritaria ou lingua rexional en Austria, Croacia, Romanía, Bucovina e Zakarpattia na Ucraína, e en Eslovaquia.

Na Romanía e na Eslovaquia, a lingua húngara ten status oficial naquelas vilas e concellos cunha poboación de etnia húngara maior do 20% da poboación total.

Distribución xeográfica[editar | editar a fonte]

O húngaro fálase como lingua materna nos seguintes países:

País Falantes
Hungría 10 millóns(censo do 2001)
Romanía
(principalmente na Transilvania)
1.443.970 (censo do 2002)
Eslovaquia 520.528 (censo do 2001)
Serbia
(principalmente en Vojvodina)
293.299 (censo do 2002)
Ucraína
(principlamente no óblast de Zakarpattia)
149,400 (censo do 2001)
Estados Unidos 117.973 (censo do 2000)
Canadá 75.555 (censo do 2001)
Israel 70.000
Austria
(principalmente no estado de Burgenland)
22.000
Croacia 16.500
Eslovenia 9.240
Total 12-13 millóns
Fonte: Censos nacionais, Ethnologue

No mundo viven arredor de nove millóns de falantes de húngaro, salientando, ademais dos países mencionados ao comezo do artigo, a Arxentina, Australia, Bélxica, Brasil, Canadá, na República Checa, Finlandia, Francia, Alemaña, nos Países Baixos, Italia, Suíza, no Reino Unido, nos Estados Unidos e en Venezuela.


Wikipedia
Existe unha versión da Wikipedia en Lingua húngara.
Flag of Europe.svg Linguas oficiais da Unión Europea Flag of Europe.svg
Alemán | Búlgaro | Castelán | Checo | Croata | Dinamarqués | Eslovaco | Esloveno
Estoniano | Inglés | Finés | Francés | Grego | Húngaro | Irlandés | Italiano | Letón
Lituano | Maltés | Neerlandés | Polaco | Portugués | Romanés | Sueco
Fonte: Sitio da Unión Europea