Hannah Arendt
Na Galipedia, a wikipedia en galego.
Hannah Arendt, nada en 1906 e finada en 1975, foi unha filósofa e socióloga alemá, nacionalizada norteamericana.
[editar] Traxectoria
Naceu en Hannóver no ano 1906 no seo dunha familia xudía-asquenací. A súa infancia veu marcada por dous feitos que fixeron que esta non fose demasiado feliz: primeiro, a morte do seu pai cando ela tiña sete anos, e segundo, a mala relación coas fillas do novo marido da súa nai, a partir dos trece anos. Educouse en Königsberg e Berlín ata acceder á Universidade de Marburgo con dezaoito anos, onde estudou filosofía con Jaspers e Heidegger. Con este último manterá unha relación que evolucionará ao longo do tempo. Desde 1925 a 1930 terá con el un romance apaixonado, mais en 1933, logo da vitoria nazi e do ingreso de Heidegger no partido nazi, deixa Alemaña e instálase en París. En 1941 marcha aos Estados Unidos de América, onde foi profesora en varias universidades.
Durante a súa permanencia no país americano, Hannah dedicase a analizar a historia do antisemitismo e en 1944 comeza a escribir As orixes do totalitarismo que non se publicará ata 1951. Tamén alí coñece en 1936 a un comunista alemán exiliado co que casa. Non volverá continuar a súa relación con Heidegger ata 1950.
Será a partir de aquí cando Hanna Arendt exerza de defensora do filósofo alemán ante a opinión pública, xustificarao e chegará ata a minimizar o apoio deste ao Terceiro Reich.
En 1975, morre Hannah Arendt, autora de obras como: A condición humana (1958), Sobre a revolución e A crise da república.
[editar] Véxase tamén
