Bon - Bonn
Na Galipedia, a Wikipedia en galego.
(Redirixido desde "Bonn")
Bonn (313.605 habitantes, estimación de 2004), é unha cidade da Alemaña situada no centro de Europa, no Land do Renania do Norte-Westfalia. Foi capital da Alemaña do Oeste desde 1949 a 1990, logo foi sede do goberno alemán ata o 1998, cando se iniciou a trasferencia de parte das oficinas administrativas para Berlín. É un importante núcleo cultural, político e comercial. Ten incorporadas outras dúas pequenas cidades: Bad Godesberg e Beuel, coas que forma unha única aglomeración urbana. Ocupa o 19° posto na clasificación das cidades máis populosas de Alemaña aínda que está moi influenciada pola proximidade da cidade de Colonia.
