Karl Liebknecht

Karl Liebknecht

Biografía
Nacemento	(de) Karl Paul August Friedrich Liebknecht 13 de agosto de 1871 Leipzig
Morte	15 de xaneiro de 1919 (47 anos) Berlín
Causa da morte	Homicidio
Lugar de sepultura	The Socialists' Memorial (en)
Member of the Reichstag of the German Empire (en)
1912 – 1916
Member of the Prussian House of Representatives (en)
Datos persoais
País de nacionalidade	Imperio Alemán Alemaña
Educación	Universidade de Frederico-Guilherme (pt) (1890–) Universidade de Leipzig - ciencias do dereito, cameralism (en) (1890–) Universidade Humboldt de Berlín Universidade de Würzburg
Actividade
Lugar de traballo	Berlín
Ocupación	político , revolucionario , avogado , editor literario
Partido político	Partido Comunista de Alemaña (1918–) Liga Espartaquista (1916–1918) Partido Socialdemócrata de Alemaña (1900–1916)
Movemento	Marxismo e antimilitarismo (pt)
Lingua	Lingua alemá
Carreira militar
Rama militar	Garde-Pionier-Bataillon (en)
Compañeiro profesional	Rosa Luxemburg (1918–)
Participou en
xaneiro de 1919	Levante Espartaquista (pt)
4 de novembro de 1918	Revolución de Novembro
Obra
Arquivos en	Instituto Internacional de História Social (pt) Bundesarchiv (pt) [ BArch NY 4001]
Outro
Cónxuxe	Sophie Liebknecht (1912–)
Fillos	Robert Liebknecht (pt)
Pai	Wilhelm Liebknecht
Irmáns	Otto Liebknecht (pt) e Theodor Liebknecht (pt)
Condenado por	alta traición (1907) → (Freiheitsstrafe (en) )
Cronoloxía
marzo de 1933-outubro de 1933	queima de libros na Alemaña nazi: obra

Karl Liebknecht, nado en Leipzig o 13 de agosto de 1871 e finado en Berlín o 15 de xaneiro de 1919, foi un socialista alemán, fundador do Partido Comunista Alemán.

Traxectoria

Fillo dun dos fundadores do Partido Socialdemócrata de Alemaña (SPD), Wilhelm Liebknecht, críase na miseria a causa do encarceramento do seu pai. As reformas sociais de Bismarck afectárono cando aínda andaba na escola.

Máis tarde comezaría a estudar Filosofìa, Economía, Historia e Dereito na súa cidade natal ata que a súa familia mudou para Berlín, onde contiuou os seus estudos. Entre 1883-1884 foi recrutado. Logo presentaría a súa tese doutoral en Dereito. A avogacía foi a súa primeira profesión: abriu un despacho para defender socialdemócratas e recrutas maltratados polo réxime monárquico.

Continua a súa actividade política desde o SPD e escribindo libros contra o Exército. Precisamente a súa obra "Militarismo e Antimilitarismo" (1907) cústalle un ano e medio de cadea. Defendeuse a si mesmo no caso, gañando dese xeito moita popularidade ata o punto de que foi elixido deputado do parlamento de Prusia.

Durante a primeira guerra mundial desmarcouse da liña oficial do seu partido, que apoia no parlamento a aprobación dos créditos de guerra (que serán aprobados), declarándose publicamente contrario á guerra . Porén foi enviado á fronte o ano 1915 (a pesar da súa inmunidade parlamentaria), vivindo, polo tanto, moi de preto a contenda. Un ano despois, con outros membros do SPD, condenan a guerra, sendo expulsados do partido. Proseguiu, logo de volver da fronte, co seu activismo antibelicista, encabezando unha manifestación. Isto tróuxolle unha condena de catro anos de cárcere. Os opositores á guerra, entre os que destaca Rosa Luxemburg, crean Spartakusbund (Liga Espartaquista), o 1 de xaneiro de 1916, para agrupar os disidentes do SPD.

Karl Liebknecht é liberado da prisión logo da revolución de outubro de 1918, a Revolución alemá, que marcará o fin da guerra e o comezo da Alemaña republicana. O 7 de xaneiro de 1919 os espartaquistas tentan organizar un Comité Militar Revolucionaro, ao estilo ruso, pero non hai detrás sóviets. O 13 de xaneiro, un destacamento dos "Corpos Libres" (Freikorps), organizados polo ministro de Defensa, Noke, detivérono. Dous días despois é asasinado xunto a Rosa Luxemburg e Leo Jogiches en aplicación da "lei de fugas".