Selección de fútbol de Galicia

Galicia
Na súa casa Fóra
Asociación	Federación Galega de Fútbol
Confederación	{{{Confederación}}}
Código FIFA
Alcume	Os irmandiños
Ranking FIFA	{{{Ranking}}}
Seleccionador	Arsenio Iglesias Fernando Vázquez
Máis partidos
Máximo goleador
Estrea internacional Galicia 4 - 1 Castela Coia, Vigo; 19 de novembro de 1922
Maior vitoria Galicia 9 - 0 CD Paraguayo Santiago; 26 de decembro de 2009
Maior derrota Galicia 1 - 3 Asturias 25 de febreiro de 1923

A selección de fútbol de Galicia é o equipo de fútbol formado por xogadores galegos, independentemente de que participen ou non con outras seleccións nacionais recoñecidas pola FIFA.

Historia

As primeiras seleccións

O 19 de novembro de 1922 a selección galega de fútbol gañáballe 4-1 a Castela no campo vigués de Coia. O equipo titular da estrea estaba formado por Isidro, Otero, Pasarín, Queralt, Balbino Clemente, Hermida, Moncho, Ramón González, Chiarroni, Polo, e Pinilla. Polo marcou o 1-0. Empatou Castela cun gol de Monjardín. Polo adiantou de novo á selección galega. Pinilla de penalti marcou o 3-1 e Ramón fixo o cuarto tanto galego.

A estrea internacional do equipo galego tivo lugar o 7 de xaneiro de 1923. Galiza enfrontouse a unha selección lisboeta vencendo por 3-1. Por Galiza xogaron: Isidro, Otero, Pasarín, Queralt, Torres, Balbino, Reigosa, Ramón González, Chiarroni, Polo e Pinilla. A selección gañou 3-1, con dous goles de Polo e un de Reigosa.

	Selección galega - Amigable contra Castela (1922)
Isidro | Otero | Pasarín | Queralt | Balbino | Hermida | Moncho | Ramón González | Chiarroni | Polo | Pinilla

O 14 de xaneiro de 1923 a selección galega enfrontouse en Sevilla ao equipo de Andalucía. O once galego compoñíano Isidro, Otero, Pasarín, Queralt, Torres, Balbino, Reigosa, Ramón González, Chiarroni, Polo e Pinilla. Aos tres minutos, Ramón conseguiu o primeiro gol dos galegos. Empatou Andalucía de penalti pouco antes do descanso. Polo logrou o desempate e Ramón e, por cabo, Chiarroni ampliaron a avantaxe galega.

A Federación Galega organizou un encontro cunha selección da escuadra inglesa. No equipo de Galiza xogaban Isidro, Otero, Clemente, Queralt, Torres, Balbino, Salvador, Ramón González, Chiarroni, Polo e Pinilla. Pinilla abriu o taboleiro, Ramón marcou o segundo tanto e Pinilla repetiu fortuna co terceiro gol. Os ingleses conseguiron minguar a vantaxe antes do descanso. Os xogadores foron ao vestiario cun 3-2 favorábel aos galegos. Na segunda parte a selección galega lograría catro tantos máis. O taboleiro rexistrou finalmente un 7-2 a favor da selección de Galiza.

O 28 de xaneiro a selección de Pontevedra enfrontouse á selección galega no campo de Bouzas. Adiantouse o equipo de Galiza cun gol de Correa. E no segundo tempo anotaron gol Polo, Chiarroni e Correa. A selección da 'boa vila' logrou o tanto de honra e o partido rematou cun 4-1 no taboleiro. Ao domingo seguinte desputouse en Pontevedra o partido de volta. Gañou a selección galega 3-0.

A selección galega antes de xogar a final do trofeo interrexional contra a selección de Asturias, aínda xogou un partido amigábel máis fronte dun combinado ferrolán-coruñés. Foi o 18 de febreiro no campo de Coia. Venceu a selección 7-1.

Por cabo, o 25 de febreiro de 1923 o equipo de Galiza xogou contra a selección asturiana un torneo interrexional. No once galego estaban Isidro, Otero, Pasarín, Queralt, Torres, Hermida, Reigosa, Balbino, Chiarroni, Polo e Pinilla. Polo rompeu o marcador cun tanto, pero os asturianos protagonizaron unha remontada que pechou o marcador cun 1-3 e a primeira derrota da selección de Galiza.

O equipo de Galiza enfrontouse no partido de volta coa selección de Lisboa o 27 de maio. Na selección de Galiza xogaban Isidro, Clemente, Pasarín, Viñas, Balbino, Machín, Reigosa, Ramón, Posada, Polo e Pinilla. Marcou de penalti Pinilla, pero os lisboetas dábanlle volta ao tanteador con goles de João Francisco e de Jaime Gonçalves.

Na República

O golpe de Estado de Primo de Rivera, en setembro de 1923, deteu entre outras cousas o fútbol galego, que non volveu asomar o seu xogo ata 1930 cando se celebrou un partido no campo de Chamartín entre o equipo de Galiza e a selección do Centro. O partido convocouse para recadar fondos para as familias daminificadas polo naufraxio dun pesqueiro de Bouzas. A selección galega venceu 4-1. O derradeiro partido da selección galega desputaríase nas Olimpíadas populares de Barcelona, resposta internacional aos Xogos de Berlín, o 12 de xullo de 1936, seis días antes do golpe de Estado. Ninguén imaxinaba o que estaba a piques de suceder, e alí, en Barcelona, ficaron moitos xogadores galegos. A maioría loitaría no bando republicano.

Algúns testemuños apuntan a que algúns galegos deste equipo, sumados a outros soldados, desputaron algúns encontros durante a Guerra Civil española e durante a Segunda Guerra Mundial, pero non existe documentación escrita.

O franquismo

En 1943 o Deportivo xogara contra un equipo de galegos, con Ricardo Zamora na meta, non había novas da selección galega como tal.

En febreiro de 1950, un xornal coruñés anunciaba que o trofeo Teresa Herrera abriría cun partido ente un combinado galego e un combinado irlandés. Ao final quíxose optar por un Lisboa-Combinado Galego que acabou sendo substituído por un Atlético de Madrid - SS Lazio.

Intentos de recuperación

O primeiro partido da selección galega despois da ditadura estivo a piques de celebrarse o 24 de xullo de 1980 en Compostela, pero colleu os xogadores de vacacións. O partido ía ser contra Euscadi.

En 1982, antes do Mundial de España, houbo unha tentativa para organizar un partido contra Camerún.

A finais dos 90, o movemento bravú recuperou a Selección Galega para o debate impulsado por Siareiros Galegos dende 1996, co agrupamento de peñas do Celta, do Deportivo e mais o SD Compostela. En 1997, Xurxo Souto catalizou a creación do primeiro número da revista Bravú, de periodicidade irregular, dedicada á recuperación da selección galega.

A idea reencarnouse deportivamente na Estrada, nun partido entre seareiros e profesionais do xornalismo e da cultura en Galiza, que comezou coa Marcha do Antigo Reino de Galiza. Os seareiros gañaron 7-2. No equipo de intelectuais xogaban Alfonso Eiré na meta, Antón Reixa, Xosé Cid Cabido e Xosé Manuel Pereiro na defensa; Moncho Viña, Manuel Rivas, Rómulo Sanjurjo, Xurxo Souto ou Paco Lodeiro na media e cara adiante.

A selección contemporánea

O estadio Multiusos de San Lázaro bautizou a selección galega de fútbol na súa posta de longo fronte á selección de Uruguai o sábado 29 de decembro de 2005. O colexiado ourensán Bernardino González Vázquez dirixiu o encontro.

O resultado foi 3 - 2 a prol de Galiza.

Os seleccionadores do primeiro combinado nacional foron Fernando Vázquez e Arsenio Iglesias. O once inicial estivo composto por: Diego López, na portería; Otero e Cabrejo, nos laterais; Rubén e Capi, centrais; Cabanas e Borxa, pivotes; Xulio Álvarez, Paulo Álvarez e Nano, centrocampistas, e Losada como home máis adiantado.

O técnico galego Fernando Vázquez, antes de comezar o partido, quitoulle importancia ao posible resultado, defendendo que o combinado galego se converteu nun "símbolo de identidade", algo que na súa opinión, lle facía falta a Galicia.

O estadio de Riazor acolleu o 28 de decembro de 2006 o segundo partido da época contemporánea da selección de Galiza. Enfronte estivo a selección de Ecuador, e o resultado final foi de empate a un (1-1), con goles do ecuatoriano Calle e de Jonathan Pereira para os galegos. O once inicial foi o formado por López, Barragán, Rubén, Noguerol, Fuentes, Viqueira, Borxa, Xulio Álvarez, Nano, Trashorras e Couñago.

O 27 de decembro de 2007, no estadio vigués de Balaídos, a selección galega enfrontouse a Camerún, no que era o terceiro partido da época contemporánea. O partido comezou con unha hora e corenta e cinco minutos de retraso, debido a liortas internas na selección de Camerún, e rematou con empate (1-1), os dous goles metidos de penalti, adiantándose primeiro Galicia, por medio de Xulio Álvarez no minuto 70, e empatando para Camerún Song, no minuto 87. Pese ó retraso da selección de Camerún, os siareiros rozaron o cheo no estadio, chegando ós 28.000 afeccionados.

De novo o 27 de decembro, en 2008, no estadio de Riazor, a selección galega enfrontouse á de Irán con resultado favorable á Irmandiña por 3 a 2. O primeiro gol anotouno o galego Nacho Novo no minuto 22. A selección iraniana empatou no minuto 31 do primeiro tempo por mediación de Borhani. Xa na segunda parte Nacho Novo por segunda vez puxo por diante a Galiza, no minuto 58 de partido. Pouco despois, no 65 e de penalti, Roberto Losada ampliaba o marcador batendo ó porteiro e poñendo o 3-1 no marcador. O iraniano Khalatbari recurtou o marcador poñendo o definitivo 3 a 2.

Xogadores

Cadro actual

Esta é a lista da convocatoria que fixeron os seleccionadores en decembro de 2008 para a desputa do partido Galicia-Chile. Finalmente Chile incumpriu o contrato e o encontro de Galiza no 2008 foi contra a selección de Irán.

Nome	Data de nacemento	Club	App (Gls)	Debut
Porteiros
Diego López	3 de novembro de 1981 (30 anos)	Villarreal CF	3 (0)	v Uruguai, 27 de decembro de 2005
Roberto	25 de xaneiro de 1979 (33 anos)	CA Osasuna
Defensas
Rubén	29 de xaneiro de 1982 (29 anos)	Celta de Vigo		v Uruguai, 27 de decembro de 2005
Noguerol	9 de xuño de 1976 (35 anos)	Celta de Vigo
Piscu	25 de febreiro de 1987 (24 anos)	Deportivo da Coruña
Capi	2 de abril de 1981 (30 anos)	Ciudad de Santiago		v Uruguai, 27 de decembro de 2005
J. Aspas	28 de febreiro de 1982 (29 anos)	Piacenza
R. Lago	30 de agosto de 1985 (26 anos)	Celta de Vigo
Sito Castro	21 de maio de 1980 (31 anos)	UD Salamanca
Centrocampistas
Álex Bergantiños	7 de xuño de 1985 (26 anos)	Xerez CD
Cabanas	17 de xaneiro de 1979 (33 anos)	Grasshoppers		v Uruguai, 27 de decembro de 2005
Borja	14 de xaneiro de 1981 (31 anos)	Real Valladolid		v Uruguai, 27 de decembro de 2005
Julio Álvarez	1 de maio de 1981 (30 anos)	UD Almería		v Uruguai, 27 de decembro de 2005
Pablo Álvarez	14 de maio de 1980 (31 anos)	Deportivo da Coruña		v Uruguai, 27 de decembro de 2005
Trashorras	28 de febreiro de 1981 (30 anos)	Celta de Vigo
J. Vila	6 de marzo de 1986 (25 anos)	Celta de Vigo
Nano	20 de abril de 1982 (29 anos)	Racing de Ferrol		v Uruguai, 27 de decembro de 2005
Dianteiros
Losada	25 de outubro de 1976 (35 anos)	Kitchee SC		v Uruguai, 27 de decembro de 2005
Nacho Novo	26 de marzo de 1979 (32 anos)	Sporting de Gijón	2 (2)	v Uruguai, 27 de decembro de 2005

Partidos

Data	Lugar	Equipo Local	Equipo Visitante	Resultado
19-11-1922	Coia, Vigo	Galicia	Castilla	4 - 1
07-01-1923		Galicia	Lisboa	3 - 1
14-01-1923	Sevilla	Andalucía	Galicia	1 - 4
??-??-1923		Galicia	Inglaterra	7 - 2
28-01-1923	Campo de Bouzas, Pontevedra	Pontevedra	Galicia	1 - 4
04-02-1923	Pontevedra	Galicia	Pontevedra	3 - 0
18-02-1923	Coia, Vigo	Galicia	Ferrol/Coruña	7 - 1
25-02-1923	Coia, Vigo	Galicia	Asturias	1 - 3
27-05-1923		Lisboa	Galicia	2 - 1
??-??-1930	Chamartín, Madrid	España Central	Galicia	1 - 4
25-12-2005	San Lázaro, Santiago	Galicia	Uruguai	3 - 2
28-12-2006	Riazor, A Coruña	Galicia	Ecuador Ecuador	1 - 1
27-12-2007	Balaídos, Vigo	Galicia	Camerún	1 - 1
27-12-2008	Riazor, A Coruña	Galicia	Irán	3 - 2
26-12-2009	Santa Isabel, Santiago	Galicia	CD Paraguayo	9 - 0
23-12-2010	Santa Isabel, Santiago	Galicia	Palestina	6 - 3
23-12-2011	Cacheiras, Teo	Galicia	Sáhara Occidental	2 - 1

Galería de xogadores

• 

  Iago Bouzón, que estivo na convocatoria de 2005 e na de 2007

• 

  Ricardo Cabanas, xogador da selección galega (2005 e 2006) e da Suíza, no partido Suíza-Brasil, 15-nov-2006

• 

  Viqueira, botando un córner no partido Galiza-Ecuador

Véxase tamén

Bibliografía

• Deza Rey, J. M.: Historia da selección galega de fútbol (2006).

Ligazóns externas

• Vieiros: Canal Selección
• A Nosa Terra Diario: Ficha da selección galega