Estadio Municipal da Malata

Na Galipedia, a Wikipedia en galego.

Coordenadas: 43°29′28.53″N 8°14′20.46″W / 43.4912583°N 8.2390167°W / 43.4912583; -8.2390167

A Malata
A Malata Ferrol.jpg
Datos
Localización Ferrol, Galicia
Construción
Inauguración 1993
Estadio
Superficie Herba
Dimensións 105 x 68 m
Capacidade 12.049
Propietario Concello de Ferrol
Localía Racing de Ferrol

O estadio municipal da Malata é un campo de fútbol localizado en Ferrol, e onde xoga o equipo do Racing de Ferrol.

Características[editar | editar a fonte]

O estadio está localizado nunha superficie municipal de 144.806 metros cadrados na zona da Malata, no alfoz da cidade, xunto ó recinto feiral de Punta Arnela e á desenbocadura do río da Sardiña, son terreos gañados á ría de Ferrol. O campo mide 105 metros de longo e 68 de largo.

Foi construído pola empresa Agromán e financiado con 1.700 millóns de pesetas pola Xunta de Galicia. Foi proxectado por un equipo de cinco arquitectos, aínda que do seu deseño encargouse Alfredo Alcalá.

O recinto dispón de 12.024 butacas, todas elas a cuberto. Tamén ten un sistema de rego mediante aspersores emerxentes, un marcador electrónico, vestiarios, cafetería, oficinas, locais para radio, prensa e televisión, e piscina climatizada.

O primeiro partido xogouse o 18 de abril de 1993 en xornada de liga, entre o Racing e o Atlético de Madrid B, co resultado de 3-2. Porén, foi inaugurado oficialmente o 29 de agosto de 1993 cun partido entre o Celta e o Deportivo. Substituíu o campo do Inferniño, situado no centro da cidade departamental.

Véxase tamén[editar | editar a fonte]

Ligazóns externas[editar | editar a fonte]