Selección Xa!

Selección Xa! é un CD lanzado en 1997 por edicións Xerais e Cormorán Producións. Distribuído co primeiro número da revista Bravú , ten 9 temas de diversos grupos. O libreto, deseñado por María Luaces, inclúe fotos das gravacións e as letras dos temas.

Feito co propósito de reivindicar unha selección nacional galega, no disco colaboran futbolistas de primeira liña da época, como eran Fran e José Ramón do Dépor, Míchel Salgado do Celta e Nacho do Compostela.

Lista de cancións

1. "Galicia/Brasil, I" (Viña, Mercedes Peón e Manu Chao)
2. "Lume de biqueira" (Fran + José Ramón + Os Diplomáticos de Monte-Alto)
3. "Selección Ska" (Xenreira + Nacho)
4. "Un cantar miudíño" (Siareiros Galegos)
5. "Selección de Breogán" (Korosi Dansas + Míchel)
6. "Galicia/Brasil, II" (Viña, Mercedes Peón e Manu Chao)
7. "Arsenio is in da'house" (Sushi Loop)
8. "Futbolistas de Galicia" (Coro dos Rozadores de Santa Cristina de Viso)
9. "Non vai ser todo fútbol" (Pinto d'Herbón)

Véxase tamén

• Bravú
• Revista Bravú
• Selección de fútbol de Galicia

Ligazóns externas

• Descarga Revista Bravú - Vieiros número adicado á Selección galega de fútbol que acompañaba o CD.