Nacho Novo
 |
|||
| Información persoal | |||
|---|---|---|---|
| Nome completo | Ignacio Javier Gómez Novo | ||
| Nacemento | 26 de marzo de 1979 (34 anos) | ||
| Lugar | Ferrol, Galicia | ||
| Altura | 1,75 m. | ||
| Posición | Dianteiro | ||
| Información de club | |||
| Club actual | Huesca | ||
| Número | 17 | ||
| Carreira sénior | |||
| Anos | Equipos | Aprs† | (Gls)† |
| 1997–1998 | Racing de Ferrol | ||
| 1998–2000 | Somozas | 35 | (16) |
| 2000–2001 | Huesca | 38 | (22) |
| 2001–2002 | Raith Rovers | 33 | (18) |
| 2002–2004 | Dundee | 71 | (26) |
| 2004–2010 | Rangers | 179 | (47) |
| 2010–2012 | Sporting de Gijón | 41 | (7) |
| 2012 | Legia Warszawa | 11 | (0) |
| 2012– | Huesca | 29 | (5) |
| Selección nacional | |||
| 2007–2008 | Galicia | 2 | (2) |
| * Partidos e goles só en liga doméstica. Actualizados a 5 de maio de 2013. † Aparicións (Goles) |
|||
Ignacio Javier Gómez Novo, máis coñecido por Nacho Novo, nado en Ferrol o 26 de marzo de 1979, é un futbolista galego. Xoga de dianteiro e o seu equipo actual é o SD Huesca.
Índice |
Traxectoria [editar]
Formouse nas categorías inferiores do Racing de Ferrol e tras unha tempada no SD Huesca emigra para probar sorte no fútbol escocés, primeiro no Raith Rovers e no Dundee FC e finalmente nun dos dous equipos máis importantes da liga escocesa, o Glasgow Rangers. Co equipo de Glasgow gañou 8 títulos, entre eles tres ligas, e tivo varias participacións na Liga de Campións e na Copa da UEFA.
Como dianteiro demostrouse moi efectivo e converteu para o equipo de Glasgow 25 tantos na súa primeira tempada, e entre eles o gol contra o Hibernian de Edimburgo que lles deu o título en 2005. Deses 25, 19 foron en partidos de liga, 3 na copa e 3 máis na competición europea, na Liga de campións.
O seu número habitual é o 10 e foi titular cos Rangers durante a tempada 2005–06 ata que rompeu o quinto metatarsal, co que quedou de baixa durante varios meses. Na tempada 2006-07 tamén disputou a Copa da UEFA.
En maio de 2010 confirmouse a súa fichaxe polo Sporting de Gijón. Xogou dúas tempadas no club xixonés, e en febreiro de 2012 anunciou que non renovaría[1].
Tras deixar o Sporting fichou polo Legia Warszawa, co que gañou a Copa de Polonia, so militou no equipo polaco un ano para volver á Liga española e fichar de novo polo SD Huesca o 14 de xullo.
Selección galega [editar]
Foi convocado pola selección nacional de fútbol de Galicia para a disputa do partido contra Uruguai, o 28 de decembro de 2005, pero non puido acudir por problemas de calendario coa competición escocesa. Esta circunstancia repetiuse ao ano seguinte, no partido que enfrontou a Galicia contra Ecuador.
No ano 2008 debutou en Riazor coa camisola da selección nacional fronte a Irán. Encontro no cal marcou dous tantos. Un día case perfecto, dicía, xa que lle faltou marcar no derbi escocés fronte o Celtic que tivo ese mesmo día á mañá.
Palmarés [editar]
| Título | Club | País | Ano |
|---|---|---|---|
| Premier League | Glasgow Rangers | Escocia | 2005 |
| Copa da Liga | Glasgow Rangers | Escocia | 2005 |
| Copa de Escocia | Glasgow Rangers | Escocia | 2008 |
| Copa da Liga | Glasgow Rangers | Escocia | 2008 |
| Premier League | Glasgow Rangers | Escocia | 2009 |
| Copa de Escocia | Glasgow Rangers | Escocia | 2009 |
| Premier League | Glasgow Rangers | Escocia | 2010 |
| Copa da Liga | Glasgow Rangers | Escocia | 2010 |
| Copa de Polonia | Legia Warszawa | Polonia | 2012 |
Notas [editar]
- ↑ Tweet do 11 de febreiro, conta de Twitter de Nacho Novo.
Véxase tamén [editar]
Ligazóns externas [editar]
- Datos do xogador en bdfutbol.com (en castelán)
- NNovo1010, conta de Twitter oficial de Nacho Novo
- Nacho Novo (90minut.pl)
- Nados en 1979
- Nados en Ferrol
- Futbolistas galegos
- Dianteiros de fútbol
- Xogadores do Racing de Ferrol
- Xogadores do UD Somozas
- Xogadores do SD Huesca
- Xogadores do Raith Rovers FC
- Xogadores do Dundee FC
- Xogadores do Rangers FC
- Xogadores do Sporting de Gijón
- Xogadores do Legia Warszawa
- Xogadores da selección de fútbol de Galicia
