Paco Lodeiro

Na Galipedia, a Wikipedia en galego.

Francisco Javier Lodeiro Gómez, chamado Paco Lodeiro, nado en Caracas o 14 de xuño de 1965, é un músico, humorista e presentador de televisión.

Traxectoria[editar | editar a fonte]

Licenciado en Publicidade e enxeñeiro técnico de informática de xestión, Paco Lodeiro ten traballado como profesor na Escola de Imaxe e Son da Coruña e no IES Rodolfo Ucha de Ferrol. Pero Lodeiro comezou a facerse famoso a comezos dos anos noventa como unha cara coñecida da Televisión de Galicia. Alí presentou talk-shows e programas de entretemento, ao tempo que desenvolvía en paralelo unha carreira como actor de producións de ficción para televisión e, particularmente, como imitador e humorista na radio: primeiro no programa de Radio Voz Corre Carmela que chove e logo en Risoterapia, a canda Carlos Jiménez, Paco Lodeiro fíxose moi coñecido polas súas imitacións de Francisco Vázquez Vázquez, o daquela alcalde da Coruña, Arsenio Iglesias ou Lendoiro.

O seu despegue debeuse ao programa Cifras e letras, que se emitiu en Telemadrid dende 2001 e logo noutras cadeas autonómicas, entre elas a edición galega dende 2006.

Ademais, ten publicado dous álbums en solitario como vocalista, e participa en La Sonora Callejera, un grupo de música ecléctica. Na Actualidade presenta e produce para TVG o formato da súa creación Verbas Van. Desde Setembro do 2012 colabora de luns a venres no magacine Galicia por diante da Radio Galega dirixido por Kiko Novoa.

Presentador de televisión[editar | editar a fonte]

Actor para televisión[editar | editar a fonte]

Actor en longametraxes[editar | editar a fonte]

Presentador de radio[editar | editar a fonte]

  • El Expreso de Galicia
  • Nunca tal oíra

Produtor de documentais[editar | editar a fonte]

Como músico[editar | editar a fonte]

Na actualidade participa na xira de concertos en directo "Cantando a Galicia" en compañía de Rosa Cedrón e Sito Sedes. Son moi coñecidas as súas versións humorísticas de temas clásicos, como a de Pedro Navajas na que conta o roubo do Códice Calixtino por parte do electricista da Catedral de Santiado de Compostela, ou a versión de Rivers of Babylon dedicada a Bobby Farrell titulada "O negriño de Boney M"

Discografía[editar | editar a fonte]

  • Cantando a Galicia con Rosa Cedrón e Sito Sedes
  • Marea interior
  • Magia negra
  • Agora e Sempre con Os Tamara
  • Sempre Pucho con Os Satélites

Galardóns[editar | editar a fonte]

  • Premio ATV ao mellor programa de entretemento de televisión 2006.
  • Premio da Academia Galega do Audiovisual ao mellor comunicador 2007
  • Premio Galicia de Comunicación ao mellor programa de radio 1996 (por "Corre Carmela que Chove").
  • Premio Deputación da Coruña ao mellor guión de apropósitos 1999.