Estadio Municipal de Balaídos

Coordenadas: 42°12′42.63″N 8°44′22.96″W / 42.2118417°N 8.7397111°W / 42.2118417; -8.7397111

**Balaídos**
Datos


Localización	Vigo, Galicia
Arquitecto	Genaro de la Fuente
Inauguración	30 de decembro de 1928
Superficie	Herba
Capacidade	31.800
Dimensións	105 x 69 m.
Propietario	Concello de Vigo
Localía	Real Club Celta de Vigo
Eventos
Mundial de Fútbol España 1982

O Estadio Municipal de Balaídos é un estadio de fútbol situado na cidade de Vigo. É o estadio no que xoga como local o Real Club Celta de Vigo, equipo da Primeira división española.

Índice

1 Historia
2 Partidos internacionais
- 2.1 Mundial de Fútbol de 1982
3 Galería de imaxes
4 Notas
5 Véxase tamén
- 5.1 Ligazóns externas

Historia[editar]

É obra do enxañeiro Jenaro de la Fuente e foi inaugurado o 30 de decembro de 1928 cun partido entre o Celta de Vigo e o Real Unión de Irún, no que gañou o Celta por 7-0. Con esa estrutura continuou ata o ano 1967 cando o concello acometeu unha reforma en profundidade unha por unha a tódalas bancadas, dándolle a configuración actual, salvo a grada de Río, as obras rematan no ano 1971.

Posteriormente foi remodelado con motivo da acollida do Mundial de fútbol de 1982, na que se completa a remodelación anterior e reformase entre outras cousas a bancada de Rio. Tamén se fixeron obras no campo en 2004 con motivo da primeira participación do Celta na súa historia na Liga de Campións, e adecuandoo o estadio á normativa da FIFA. Naquel momento o estadio tería unha capacidade de 31.800 espectadores.

A comezos da tempada 2012/13 acometeuse unha reforma para lavala cara do vetusto estadio, tapando o foso que circundaba o terreo de xogo e eliminando algunha das primeiras filas do graderío, nas que era moi mala a visibilidade, para eliminar os obstáculos entre o afeccionado e o terreo de xogo, emulando así os campos de xogo ingleses^[1]. Con esta remodelación a capacidade do estadio quedaría en pouco menos de 30.000 asentos.

Partidos internacionais[editar]

Ao longo da historia acolleu diversos partidos internacionais da selección galega e enfrontamentos da selección española e a portuguesa.

O 2 de abril de 1933 acolleu o encontro España-Portugal (3-0). Antes do partido a galega Emilia Docet, miss España dese ano, saíu ao campo cun traxe típico portugués, acompañada doutras rapazas co traxe galego. Acadouse unha recaudación de 130.000 pesetas^[2]. Os combinados peninsulares volveron enfrontarse o 26 de setembro de 1979 (1-1) e o 19 de xaneiro de 1994 (2-2).

O 27 de decembro de 2007 a selección galega enfrontouse á Camerún, no terceiro partido da época contemporánea. Rematou con empate (1-1), os dous goles metidos de penalti, adiantándose primeiro Galicia, por medio de Xulio Álvarez no minuto 70, e empatando para Camerún Song, no minuto 87^[3].

Mundial de Fútbol de 1982[editar]

O 14 de xuño de 1982 foi a primeira ocasión en que se celebrou en Galicia un encontro dunha Copa Mundial de Fútbol. Os participantes, Italia e Polonia, que ese día empataron a cero goles, serían, ao finalizar o campionato, gañador e terceiro clasificado respectivamente.

Xogáronse, en total, tres partidos:

Italia	0-0	Polonia	14 de xuño de 1982 - Estadio de Balaídos, Vigo Asistencia: 33.000 espectadores Árbitro: Michel Vautrot (Francia)

Italia	1-1		Perú	18 de xuño de 1982 - Estadio de Balaídos, Vigo Asistencia: 25.000 espectadores Árbitro: Walter Eschweiler (Alemaña Federal)
Conti 18'		Díaz 83'

Italia	1-1		Camerún	23 de xuño de 1982 - Estadio de Balaídos, Vigo Asistencia: 20.000 espectadores Árbitro: Bogdan Dotchev (Bulgaria)
Graziani 60'		M'Bida 61'