Xurxo Souto
| Xurxo Souto | |
|---|---|
 Xurxo Souto nunha gravación radiofónica |
|
| Nome completo | Xurxo Manuel Souto Eiroa |
| Alias | |
| Naceu | 25 de xullo de 1966 A Coruña, Galicia  |
| Orixe | {{{orixe}}} |
| Morreu | |
| Ocupación (s) | Músico, escritor |
| Xénero | Rock |
| Instrumento(s) | Voz, acordeón |
| Tipo de voz | |
| Selo(s) discográfico (s) | |
| Relacionado con | Os Diplomáticos de Monte-Alto, Os Tres Trebóns |
| Tempo en activo | 1990 — actualidade |
| Web | |
Xurxo Manuel Souto Eiroa, máis coñecido como Xurxo Souto, nado na Coruña o 25 de xullo de 1966, é un cantante, acordeonista, escritor, locutor e licenciado en filoloxía clásica.
Índice |
[editar] Traxectoria
O labor que o fixo máis popular foi o de líder e vocalista da banda de rock "Os Diplomáticos de Monte-Alto" entre 1990 e 2001, e por ser un gran difusor da música galega de agora e sempre. Outra das súas facetas a destacar foi a de escritor. Ademais de ter cinco libros publicados, ten colaborado con artigos en diferentes publicacións, como a revista Bravú.
Dende 1986 comezou a traballar en diversos programas de radio en galego, sendo o máis coñecido e lonxevo A tropa da tralla, xunto a Aberto por reformas e Mil ribeiras, na Radio Galega. Desde outubro de 2005 até abril de 2009 foi Director de Programas desta emisora.
En outubro de 2003 participou, xunto con Manuel Rivas, na reinauguración[1] da emisora comunitaria Cuac FM (A Coruña), da que ambos se converteron en padriños e socios de honra.
Recentemente formou o grupo musical "Os 3 Trebóns", onde se encarga da voz e mais do acordeón.
Tamén traballou como actor en producións galegas como a serie de éxito Mareas vivas ou o telefilme Entre bateas, de Jorge Coira.
[editar] Bibliografía
[editar] Narrativa
- A tralla e a arroutada (relatos, Xerais, 1995).
- Fumareu (relatos, Xerais, 1997).
- O retorno dos homes mariños (novela, Xerais, 1999).
- Tres trebóns (relatos, Xerais, 2005).
[editar] Ensaio
- Contos da Coruña (recompilación de artigos, Xerais, 2001).
[editar] Obras colectivas
- O mar de adentro (Edicións do Dragón, 1990).
- Unha liña no ceo (58 narradores galegos 1979-1996) (relato, Xerais, 1996).
- A aldea terremota (relato, COAG, 1998).
- Mini-relatos (relato, Libraría Cartabón, 1999).
- Materia prima (relato, Xerais, 2002).
- Narradio: 56 historias no ar (relato, Xerais, 2003).
- Manuel María: fotobiografía sonora (ensaio, Ouvirmos, 2005).
- Celso Emilio Ferreiro. Fotobiografía sonora (ensaio, Ouvirmos, 2008).
- Lois Pereiro: fotobiografía sonora (ensaio, Ouvirmos, 2010).
