Francisco Corredoira

Paco Corredoira
Paco Corredoira
Información persoal
Nome	Francisco José Corredoira González
Nacemento	28 de decembro de 1979 (44 anos)
Lugar de nacemento	Lugo
Altura	1,72 m.
Posición	Defensa e dianteiro
Carreira xuvenil
	CD Lugo
	Racing Vilalbés
	SD Compostela
Carreira sénior
Selección nacional
	Partidos e goles só en liga doméstica.; ; [ editar datos en Wikidata ]
	v; c; e;

Francisco José Corredoira González, coñecido como Paco Corredoira, nado o 28 de decembro de 1979 en Lugo é un exfutbolista galego que xogaba en varias posicións, entre elas defensa central, interior e extremo.

Traxectoria[editar | editar a fonte]

Formado nas categorías inferiores da S.G. Comercial e posteriormente no CD Lugo, pasou polo Racing Vilalbés antes de recalar no filial da SD Compostela. Debutou co primeiro equipo en Segunda División na tempada 2000/01, conseguindo ficha do primeiro equipo na tempada seguinte. Xogou en Compostela tres tempadas nas que viviu un amargo descenso a Segunda División B, o seguinte ascenso á categoría de prata e o definitivo descenso por falta de pagamento pese a rematar a tempada na novena posición.

No verán de 2003 fichou polo SD Eibar da Segunda División, onde xogou dous anos a moi bo nivel. Ao rematar estes dous anos fichou polo Numancia de Soria, tamén na división de prata.^[1]

No verán de 2006 fichou polo Racing de Ferrol, acadando o ascenso a Segunda no seu primeiro ano. Porén, o club verde só aguantou un ano nesta categoría. Pese á titularidade e ao bo nivel mostrado en Ferrol as continuas lesións lastraron o seu potencial, en especial unha rotura dos ligamentos cruzados no seu segundo ano.^[2] Isto levouno a anunciar a súa retirada en 2009 para preparar as oposicións a mestre de educación física de Educación Secundaria.

Coa selección de fútbol[editar | editar a fonte]

No ano 2005 foi convocado para disputar o primeiro encontro da Selección galega moderna, ante a Selección do Uruguai no estadio de San Lázaro, encontro que gañou Galiza por 3-1.

Notas[editar | editar a fonte]

↑ "Corredoira es el segundo fichaje y busca entrenador". As (en castelán). 21 de xuño de 2005. Consultado o 23 de febreiro de 2022.
↑ Vázquez, J. (9 de agosto de 2007). "Corredoira estará siete meses de baja por lesión". Marca (en castelán). Consultado o 23 de febreiro de 2022.

Véxase tamén[editar | editar a fonte]

Ligazóns externas[editar | editar a fonte]

"Paco Corredoira". Historias racinguistas (en castelán). Xullo de 2009.

[1] "Corredoira es el segundo fichaje y busca entrenador". As (en castelán). 21 de xuño de 2005. Consultado o 23 de febreiro de 2022.

[2] Vázquez, J. (9 de agosto de 2007). "Corredoira estará siete meses de baja por lesión". Marca (en castelán). Consultado o 23 de febreiro de 2022.

[1]

[2]