Ivan Bunin

Ivan Bunin

Ivan Bunin
Nome orixinal	(ru) Иван Алексеевич Бунин
Biografía
Nacemento	22 de outubro de 1870 Vorónezh Rusia
Morte	8 de novembro de 1953 (83 anos) París Francia
Causa da morte	Morte natural  (Infarto agudo de miocardio )
Lugar de sepultura	Cemitério Russo de Sainte-Geneviève-des-Bois (pt)
Datos persoais
País de nacionalidade	Imperio Ruso Francia
Actividade
Campo de traballo	Novela, conto, poesía e diario
Ocupación	escritor , prosista , poeta , tradutor , dramaturgo
Período de actividade	1887 - 1953
Membro de	Academia Russa (pt)
Xénero artístico	Novela, poesía
Lingua	Lingua rusa
Obra
Obras destacables The Village (en) Dark Avenues (en) (1915) The Gentleman from San Francisco (en) (1929) The Life of Arseniev (en)
Familia
Familia	House of Bunin (en)
Cónxuxe	Anna Vera Muromtseva
Irmáns	Yuly Bunin (en)
Premios (1933)  Premio Nobel de Literatura (1903, 1909, 1901)  Pushkin Prize (en)
Sinatura

Iván Alexéievich Bunin, en cirílico ruso Иван Алексеевич Бунин, nado en Voronezh o 22 de outubro de 1870 e finado en París o 8 de novembro de 1953, foi un escritor ruso. Gañou o Premio Puxquin de literatura.

Traxectoria

Nado na Rusia Central, no seo dunha familia nobre, viviu ata os sete anos na propiedade que os seus pais posuían en Yelets. Educouse no fogar paterno baixo a disciplina dun titor, quen lle ensinou a ler e escribir utilizando unha tradución ao ruso de Don Quixote, cos contos e lendas de Gogol e co Robinson Crusoe.

Durante algún tempo estudou na Universidade de Moscova. Publicou os seus primeiros poemas en 1897 nunha revista literaria de San Petersburgo. A súa primeira colección de poemas, Listopad, apareceu en 1901 sendo calidamente acollida pola crítica. En 1903 recibiu o Premio Pushkin da Academia rusa polas súas traducións ao ruso das obras do poeta estadounidense Henry Wadsworth Longfellow, así como dos poetas ingleses Lord Byron e Alfred Tennyson.

Nos anos previos ao comezo da primeira guerra mundial adicouse a viaxar por Italia, Turquía, Palestina, Exipto, Grecia, Alxeria e Tunisia. Tras a revolución rusa de 1917, en 1919 emigrou a París, onde se estableceu, vivindo modestamente ata a súa morte acaecida en 1953.

Obra literaria

Iván Alexéievich Bunin

A súa poesía continúa a tradición clásica dos parnasianistas e, especialmente, de Aleksandr Pushkin. A partir de 1920, debido ao seu exilio, a súa poesía derivou cara a un lirismo máis acentuado. Cultivou tamén o conto e a novela, fiel ao realismo ruso do século XIX. Vladimir Nabokov encomiou a súa poesía, comparándoa coa de Alexander Blok, pero despreciou a súa prosa.

En 1933 recibiu o Premio Nobel de Literatura pola súa arte, coa cal continuou as tradicións rusas clásicas na escritura da prosa. Na viaxe a través de Alemaña para aceptar o premio en Estocolmo, os nazis, aparentemente facendo un control de xoias, detivérono, coñecedores da forte oposición do autor ao réxime nazi.

Obras seleccionadas

Prosa

• 1892-1898: Pereval
• 1892: Tanika
• 1893: Vesti s rodinî
• 1900: Epitafia
• 1901: Tuman
• 1902: Nadejda
• 1907-1911: Khram solntsa
• 1910: Derevnia
• 1913: Poslednee svidanie
• 1913: Pri doroge
• 1913: Ciaşka jizni

• 1915: Grammatika liubov
• 1915: Gospodín iz San Francisco
• 1916: Sîn
• 1924: Mitina liubov
• 1925: Solnecinîi udar
• 1925: Delo korneta Elaghina
• 1930: Jizn Arsenieva
• 1937-1944: :Tiomnîe allei
• 1941: Natalie
• 1944: Holodnaia osen

Poesia

• 1898: Pod otkrîtîm nebom
• 1901: Listopad

Ligazóns externas

• (en inglés) Páxina do Instituto Nobel, Premio Nobel de Literatura 1933