Roger Martin du Gard
| Roger Martin du Gard | |
|---|---|
 |
|
| Nacemento: | 23 de marzo de 1881 Neuilly-sur-Seine |
| Falecemento: | 22 de agosto de 1958 Bellême, Orne |
| Lingua: | Francés |
| Xénero(s): | Novela |
| Nota(s): |  Premio Nobel de Literatura (1937) |
Roger Martin Du Gard, nado en Neuilly-sur-Seine o 23 de marzo de 1881, finado en Bellême, Orne o 22 de agosto de 1958, foi un novelista francés.
Índice |
Traxectoria [editar]
Nacido nunha familia acomodada, de avogados e maxistrados, a súa situación permitiulle dedicarse á literatura. De vocación literaria precoz, foi consciente dela tras ler a novela de Lev Tolstoi, A guerra e a paz. Para intentar consolidar a súa vocación de novelista, inicia estudos de Letras, aínda que non os remata. Preséntase logo á unha oposición da École des chartes, obtendo a praza de arquiveiro-paleógrafo, cunha tese sobre a abadía de Jumièges.
En 1908 publica a súa primeira novela Devenir. Tras a publicación en 1913 de Jean Barois, na que Martin du Gard aborda o caso Dreyfus, traba amizade con André Gide e Jacques Copeau.
Participou como soldado na Primeira Guerra Mundial. Cando esta rematou, empeza a redacción da que será a súa obra magna: a saga de Les Thibault. Nela non trata de demostrar nada. Non xulga nin condena: mostra a veces de modo demasiado fragmentario a evolución da relixión contemporánea, como o feito da separación entre a Igrexa e o Estado Francés en 1905.
Recibe o Premio Nobel de Literatura en 1937. A partir dese momento a súa obra deixa de ser considerada relevante por parte da crítica, até que Albert Camus a volve reivindicar.
Pode considerarse un herdeiro da novela realista tradicional do século XIX; mais a certeza das súas descricións, os seus detalles narrativos e a penetración psicolóxica que fai dos seus personaxes, fan que non se poida cualificar como un escritor falto de innovación e forza.
Pasará a maior parte da Segunda Guerra Mundial en Niza. Alí empezará a elaborar unha novela que quedará inconclusa, Le Lieutenant-colonel de Maumort, que se publicará a título póstumo. Esta publicación, ao igual que outras que tamén foron póstumas (correspondencia, diario, relatos curtos) fai máis complexa a figura dun escritor que se reivindicou a si mesmo como novelista.
Obra [editar]
Novelas [editar]
|
Ensaios [editar]
Teatro [editar] |
Véxase tamén [editar]
Bibliografía [editar]
- Charles Möeller. Literatura del siglo XX y cristianismo (Tomo II). Editorial Gredos. ISBN 978-84-249-3341-8.
Ligazóns externas [editar]
- Roger Martin du Gard, 1937 Nobel de Literatura (en inglés)
- Acerca de Roger Martin du Gard (en inglés)
- Roger Martin du Gard (en inglés)
|
|||||||||||||||||||
