International Music Score Library Project

Na Galipedia, a Wikipedia en galego.
International Music Score Library Project
Logo
Tipositio de MediaWiki, organización e base de datos de música en liña
Data de fundación16 de febreiro de 2006
PaísEstados Unidos de América
Na rede
https://imslp.org
Twitter: imslp Editar o valor em Wikidata
editar datos en Wikidata ]
Captura de pantalla da versión en inglés de IMSLP.

A International Music Score Library Project (en galego Proxecto de Biblioteca Internacional de Partituras Musicais) ou IMSLP, tamén coñecido coma Petrucci Music Library (Biblioteca Musical Petrucci) en honor ao editor italiano Ottaviano Petrucci, é un proxecto para a creación dunha biblioteca virtual de partituras de dominio público empregando a tecnoloxía wiki, así como incluír traballos de novos compositores que desexen compartir as súas creacións musicais de xeito libre e gratuíto, é dicir, a partir de licenzas de Creative Commons ou cedendo os seus dereitos de autoría. Dende a súa creación, o 16 de febreiro de 2006, foron subidos en torno a 220.000 partituras e 21.000 gravacións de arredor de 61.000 composicións de arredor de 7.800 compositores. O proxecto emprega software MediaWiki para prover aos usuarios dunha interface familiar. Dende o 6 de xuño de 2010, IMSLP inclúe gravacións.

Historia[editar | editar a fonte]

Visión xeral[editar | editar a fonte]

O proxecto foi creado por Edward W. Guo[1] o 16 de febreiro de 2006. A biblioteca está composta principalmente de arquivos escaneados de antigas edicións musicais sen dereitos de autoría. Ademais, admite partituras de compositores contemporáneos que queren compartir a súa música baixo unha licenza Creative Commons. Un dos principais proxectos de IMSLP foi a clasificación e carga das obras completas de Johann Sebastian Bach procedentes da Bach Gesellschaft Ausgabe (1851-1899), unha tarefa que foi completada o 3 de novembro de 2008. Ademais das obras de Bach, o proxecto conta con todas as obras de Frédéric Chopin, Johannes Brahms, Georg Friedrich Händel, e todas as obras no dominio público de Ludwig van Beethoven, Joseph Canteloube, Emmanuel Chabrier, Ernest Chausson, Arcangelo Corelli, Claude Debussy, Vincent d'Indy, Paul Dukas, Gabriel Fauré, Pierre-Octave Ferroud, Jean Huré, Albéric Magnard, Giovanni Pierluigi da Palestrina, Maurice Ravel, Albert Roussel, Erik Satie, Florent Schmitt, Franz Schubert, Robert Schumann, Alexander Scriabin e Jean Sibelius, así como un alto porcentaxe das obras de Wolfgang Amadeus Mozart, Franz Liszt, e moitos outros compositores.

Ademais de proporcionar un depósito dixital, IMSLP ofrece posibilidades como enciclopedia musicolóxica, xa que contén diferentes edicións históricas dunha mesma composición e análises históricos e comentarios musicolóxicos que acompañan ás partituras.

IMSLP está oficialmente recomendado polo MIT,[2][3] que tamén o emprega amplamente nalgúns dos seus cursos OpenCourseWare.[4][5] Foi suxerido como recurso bibliográfico pola Sibley Music Library,[6] así como por varias bibliotecas universitarias como Universidade Stanford,[7] Universidade de California, Os Ánxeles,[8] Universidade Brown,[9] Universidade de Pensilvania,[10] Universidade de Wisconsin–Madison,[11] Oberlin Conservatory of Music,[12] Manhattan School of Music[13] Universidade de Maryland,[14] Universidade de Washington,[15] Universidade de of Cincinnati,[16] Universidade de Wisconsin–Milwaukee,[17] Appalachian State University[18] nos Estados Unidos, Universidade McGill[19] no Canadá, Universidade de Oxford,[20] Universidade de Cambridge,[21] Universidade de Edinburgh[22] Universidade de Bristol[23] no Reino Unido, Universidade de Melbourne[24] en Australia, entre outras.

Clausura e reapertura[editar | editar a fonte]

O 19 de outubro de 2007 IMSLP pechou polas ameazas xurídicas de Universal Edition[25] de Viena, Austria. A carta de cese e desista expresou a súa preocupación por algunhas obras que están no dominio público na localización do servidor no Canadá, coa protección dos dereitos de autoría de "50 anos despois de morto" mais, non obstante, están protexidos polos "70 anos despois de morto" doutros países. O administrador do sitio, coñecido polo pseudónimo Feldmahler, decidiu pechar a páxina web, mais deixaron os foros en liña para debater e proceder do mellor xeito:[26]

O sábado 13 de outubro de 2007 recibín unha segunda carta de "Cese e Desista" de Universal Edition. Ao principio pensei que esta carta sería similar no seu contido á primeira carta de Cese e Desista que recibín no mes de agosto. No entanto, logo de longos debates con avogados e partidarios, convencinme de que eu, un estudante común da universidade, non ten nin a enerxía nin os cartos precisos para facer fronte doutro xeito que non sexa de acordo con desistir, e botar embaixo todo o sitio. É difícil para min pedir desculpas para todos os contribuíntes de IMSLP, que teñen feito tanto para IMSLP nos dous últimos anos.
Edward W. Guo (Feldmahler)[25]

En resposta, o director do Project Gutenberg, Michael Hart, ofreceu soporte legal a IMSLP para manter o proxecto activo.[27] Dito ofrecemento foi rexeitado por Feldmahler, que expresou a súa preocupación por ter situado o proxecto nos Estados Unidos e consultou á póla canadense do Project Gutenberg.[25] O 2 de novembro de 2007 o académico canadense experto en dereitos de autoría Michael Geist, escribiu un artigo para a BBC analizando os detalles e as implicacións máis amplas deste caso.[28]

O proxecto comezou a funcionar de novo o 30 de xuño de 2008. Dende a súa reapertura, IMSLP emprega unha estrita política de dereitos de autoría, onde os arquivos cargados son accesibles só para a descarga logo de que o estado dos dereitos de autoría do arquivo teñan sido revisados polos membros do persoal.

Idiomas[editar | editar a fonte]

Dende a súa creación no 2006, o proxecto foi medrando e apareceron versións noutras linguas, tendo versión na actualidade en alemán, catalán, castelán, checo, chinés, coreano, croata, dinamarqués, eslovaco, finés, francés, grego, húngaro, indonesio, inglés, italiano, macedonio, neerlandés, polonés, portugués, ruso, sueco, tailandés, turco e xaponés.

O 18 de maio de 2013 creouse a páxina principal da versión en lingua galega.[29]

Notas[editar | editar a fonte]

  1. Wakin, Daniel J. (22 de febreiro de 2011). "Free Trove of Music Scores on Web Hits Sensitive Copyright Note". The New York Times. 
  2. Moore, Christie (5 de xaneirode 2007). "Wiki of public domain classical scores". MIT Library News (en inglés). Arquivado dende o orixinal o 11 de novembro de 2007. Consultado o 16 de novembro de 2007. 
  3. "Research Guides: Music". MIT Libraries (en inglés). 2008. Consultado o 4 de setembro de 2008. 
  4. MIT (2007). "21M.250 Schubert to Debussy, Fall 2006". MIT OpenCourseWare (en inglés). Arquivado dende o orixinal o 13 de outubro de 2007. Consultado o 6 de novembro de 2007. 
  5. MIT (2007). "21M.262 Modern Music:1900-1960, Fall 2006". MIT OpenCourseWare (en inglés). Arquivado dende o orixinal o 13 de outubro de 2007. Consultado o 6 de novembro de 2007. 
  6. "Request Public Domain Scores". Sibley Music Library. 2008. Arquivado dende o orixinal o 03 de xullo de 2020. Consultado o 2009-02-01. 
  7. "Outside links of interest". Universidade Stanford, Libraries and Academic Information Resources. 2007. Consultado o 4-9-2008. 
  8. "UCLA Library / Music Library / Music Scores and Sheet Music Online". Brown of California Music Library. 2009. Arquivado dende o orixinal o 25 de xullo de 2008. Consultado o 2009-01-28. 
  9. Quist, Ned (2007). Libraría da Universidade Brown, ed. "Selected internet resources for music". Arquivado dende o orixinal o 26 de outubro de 2008. Consultado o 2008-09-04. 
  10. "The Online Books Page: Archives and Indexes". Penn Libraries. 2009. Consultado o 28-1-2009. 
  11. Universidade de Wisconsin–Madison Libraries, ed. (2007). "Resources: Scores (Printed Music) - Mills Music Library, UW–Madison". Arquivado dende o orixinal o 30 de setembro de 2008. Consultado o 2008-09-04. 
  12. Conlib (2007-04-26). "Classical Music in the Public Domain". News from the Oberlin Conservatory Library. Consultado o 4-9-2008. 
  13. Sharp, Peter Jay (2007). "Free stuff on the web". The Peter Jay Sharp Library, Manhattan School of Music. Consultado o 2008-09-04. 
  14. "Finding Music Scores, UM Libraries". Universidade de Maryland Libraries. 2007. Arquivado dende o orixinal o 27 de maio de 2009. Consultado o 2008-09-04. 
  15. "Musical Scores". University of Washington Libraries. 2007. Arquivado dende o orixinal o 20 de setembro de 2008. Consultado o 2008-09-04. 
  16. "OnlineMusic". Universidade de Cincinnati Albino Gorno Memorial Music Library. 2009. Consultado o 2009-01-28. 
  17. "Finding Online Scores". UWM Music Library. 2009. Arquivado dende o orixinal o 15 de abril de 2009. Consultado o 2009-01-28. 
  18. "Electronic Scores". Appalachian State University Library. 2009. Arquivado dende o orixinal o 13 de febreiro de 2012. Consultado o 2009-01-28. 
  19. "Scores (online databases and indexes)". Marvin Duchow Music Library, McGill. 2007. Arquivado dende o orixinal o 12 de abril de 2016. Consultado o 2008-09-04. 
  20. "Useful Links - Music Faculty Library". Music Faculty Library. 2008. Arquivado dende o orixinal o 23 de decembro de 2012. Consultado o 2009-02-12. 
  21. "Faculty of Music: Pendlebury Library - Online Resources". Pendlebury Library of Music. 2007. Arquivado dende o orixinal o 03 de marzo de 2001. Consultado o 2009-02-12. 
  22. "Edinburgh University Library: Resources By Subject: Music Databases, E-Journals, Search Tools & Websites". Edinburgh University Library. 2008. Arquivado dende o orixinal o 15-03-2010. Consultado o 12-2-2009. 
  23. "Bristol University / Information Services / Internet links". Bristol University Library. 2009. Arquivado dende o orixinal o 07-06-2011. Consultado o 12-2-2009. 
  24. "VCA / LENTON PARR LIBRARY / Music / Websites". Lenton Parr Library. 2009. Arquivado dende o orixinal o 06 de xullo de 2011. Consultado o 2009-02-12. 
  25. 25,0 25,1 25,2 Clark, Ken (5 outubro de 2007). "Carta de Cese y Desista de Universal Edition AG" (PDF). Aird & Berlis LLP. Arquivado dende o orixinal (PDF) o 23 de outubro de 2007. Consultado o 20 de outubro de 2007. 
  26. Feldmahler (19 outubro de 2007). "Carta abierta". Arquivado dende o orixinal o 09 de marzo de 2008. Consultado o 11 de marzo de 2008. 
  27. Michael Hart (23 de outubro de 2007). Book People, ed. "Re: Three quick links on digitizations and their constraints" (en inglés). Consultado o 29 de decembro de 2007. 
  28. Geist, Michael (2 de novembro de 2007). "The day the music died". BBC News. Arquivado dende o orixinal o 20 de xaneiro de 2016. Consultado o 10 de abril de 2013.  (en inglés)
  29. Historial de revisiones para «Páxina principal» da versión en galego

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]