Wikipedia:Ligazóns externas

Na Galipedia, a Wikipedia en galego.

A Wikipedia non é un directorio de ligazóns. Aínda que incluír certo número de ligazóns externas nos artigos presta un valioso servizo aos lectores, as páxinas non deben ser unicamente unha colección de ligazóns externas.

Onde e como incluír ligazóns[editar | editar a fonte]

  1. As ligazóns externas non deben usarse no corpo do artigo. O seu sitio é a sección de Ligazóns externas, as Notas ou as caixas de información do propio artigo. Véxase o libro de estilo.
  2. En xeral, hai que evitar ligar a múltiples páxinas da mesma web, e mirar de atopar a ligazón máis axeitada.

Restricións para o uso de ligazóns externas[editar | editar a fonte]

As seguintes ligazóns externas non poden incluírse, nunca e en ningunha situación:

  1. Sitios que están na lista negra de spam e que non o están na lista branca. Non se poden gardar os trocos en artigos que inclúan esas ligazóns. Se algún artigo contén unha destas ligazóns porque a ligazón se incluíu despois na lista negra, debe borrarse do artigo.

Consideracións á hora de engadir ligazóns externas[editar | editar a fonte]

Que debería ser enlazado[editar | editar a fonte]

  1. As webs oficiais deben incluírse nos artigos que traten de organizacións, persoas ou entidades que teñan web oficial.
  2. As páxinas que sexan citadas ou usadas como referencias ou fontes na creación dun texto, agás que xa aparezan na sección de referencias do artigo.
  3. En artigos con múltiples puntos de vista, debe incluírse un enlace aos sitios que expoñan cada un deles. O número de ligazóns dedicadas a un punto de vista determinado non debe ser moi superior ao número que se lle dedique a calquera dos outros.
  4. Páxinas con gran cantidade de material neutral e relevante, pero que aínda non houbo tempo de integralo no artigo. O ideal sería que ese contido se incluíse no artigo de Galipedia (respectando os posibles dereitos que teña o texto) e que a web se engadise coma referencia.

Que podería ser enlazado[editar | editar a fonte]

En casos excepcionais, poden incluírse outras ligazóns ademais das que se listaron na sección anterior:

  1. En relación con álbums musicais ou cancións, xogos de computador, películas ou libros: unha ou dúas ligazóns a recensións profesionais que expoñan unha certa análise xeral.
  2. Directorios web: cando se considere apropiado, pode engadirse unha ligazón a unha listaxe dun directorio web, tendo preferencia os directorios abertos (se dous son semellantes e soamente un é aberto). Se se xulga innecesario, ou se non existe ningunha boa listaxe, non debe incluírse.
  3. Webs de fans (fansites): en artigos nos que o seu tema concite un gran número de fansites (sitios de fans do asunto do artigo), a inclusión dunha ligazón a un fansite importante considérase apropiado, sempre que se indique que a ligazón pertence a un fansite.

Que non debe ser enlazado[editar | editar a fonte]

  1. Wikipedia non permite engadir ligazóns con propósitos comerciais ou para anunciar produtos, servizos ou calquera clase de sitios web. Desaconséllase incluír enlaces a páxinas persoais, e tamén incluír masivamente enlaces dunha web determinada: estas accións deben comunicarse no Taboleiro dos administradores ou noutra páxina para o efecto, e a comunidade debe aprobar a súa incorporación antes de continuar. A inclusión persistente de ligazóns á páxina persoal dun wikipedista considérase vandalismo e pode dar lugar a sancións.
  2. Ligazóns a un sitio que venda produtos ou servizos, a menos que sexa aplicable algúns dos puntos anteriores referentes a Que debería ser enlazado ou Que podería ser enlazado.
  3. Sitios que instalen software malicioso de forma inadvertida no equipo do usuario.
  4. Resultados de motores de procura.
  5. Ligazóns que pretendan promocionar un determinado sitio web.
  6. Ligazóns a webs que requiran algunha forma de rexistro ou subscrición ao contido.
  7. Ligazóns a webs con demasiada publicidade incluída nelas.
  8. Ligazóns a blogs persoais ou fotologs (salvo que sexa aplicable algúns dos puntos anteriores referentes a Que debería ser enlazado ou Que podería ser enlazado).
  9. Ligazóns a páxinas web que só están indirectamente relacionadas co tema do artigo.
  10. Outros wikis que poidan ser editados libremente polos seus usuarios, aínda que si se permiten as ligazóns entre proxectos da propia Fundación Wikimedia.

Ligazóns a contidos que non estean en galego[editar | editar a fonte]

Teñen prioridade as ligazóns a sitios web en galego. Se un mesmo contido está dispoñible en distintas linguas, sempre debe optarse por incluír a ligazón á páxina correspondente en galego. Aínda así, nalgúns casos pode ser axeitado ter unha ligazón a unha páxina que non estea en galego, por exemplo cando non estea dispoñible en galego, cando só o estea na súa linguaxe orixinal, ou cando conteña axudas visuais como mapas, diagramas ou táboas.

Cando se engada unha ligazón a un sitio web que non estea en galego, debe etiquetarse co modelo de lingua correspondente. Estes modelos son da forma {{XX}}, sendo os "XX" o código da lingua correspondente.

Publicidade e conflitos de intereses[editar | editar a fonte]

Debido ao medre da Wikipedia existe un gran risco de que se intente empregala para promocionar ou publicitar webs, tanto comerciais como non comerciais. Debe evitarse engadir ligazóns a páxinas propias, ou a páxinas que un mesmo manteña ou represente. Se se desexa incluír unha ligazón a unha destas páxinas que se considere relevante e informativa, o mellor é mencionalo na páxina de conversa do artigo correspondente e deixar que a comunidade opine e decida se se debe incluír.

Que se pode facer cunha ligazón externa inactiva ou desaparecida?[editar | editar a fonte]

As ligazóns externas mortas ou inactivas débense eliminar ou pór ao día con novas versións. Se se detecta un enlace desaparecido nun artigo, é conveniente comprobar se se usa nalgún outro artigo (mediante a utilidade Especial:Linksearch) e eliminalo ou substituílo tamén nestoutros.