Romaría dos Caneiros

Na Galipedia, a Wikipedia en galego.
Barcas preto do campo dos Caneiros.

A romaría dos Caneiros celebrase na vila coruñesa de Betanzos todos os meses de agosto, como parte do programa das festas de San Roque. Os días 18 e 25 de agosto, os betanceiros diríxense ao coñecido "Campo dos Caneiros" de forma moi diversa para pasar un día de festa.

Historia[editar | editar a fonte]

Existen noticias da celebración desta festa na prensa diaria do século XIX, como na Revista Gallega da Coruña, dirixida por Galo Salinas.

Nas súas orixes, os betanceiros, despois dos tres días "grandes" das festas de San Roque, e despois ter elevado o globo de papel máis grande do mundo; acudían en barco a un campo situado nas marxes do río Mandeo para pasar unha tarde de merenda ao son das gaitas. Por tanto, podemos comprobar que nesta romaría non hai a máis mínima pegada de tipo relixioso (é unha festa absolutamente pagá).

Hoxe en día, a festa converteuse nunha troula sen fin á que acoden xentes de toda a comarca, e da Galiza en xeral, para desfrutar da música, do baile e, sobre todo, do viño.

Como xa se comentou, para desprazarse ao campo dos Caneiros utilízanse diversos medios: camiñando, no automóbil ou nas tradicionais barcas engalanadas para a ocasión.

Durante toda a tarde, e mentres a marea o permite, pódese vivir unha festa totalmente singular que remata, como non podía ser doutra maneira, cun espectáculo pirotécnico.

Galería de imaxes[editar | editar a fonte]

Commons
Commons ten máis contidos multimedia na categoría: Romaría dos Caneiros