Universidade de Helsinqui

Universidade de Helsinqui;
Nome curto	HY, UH e HU
Tipo	universidade pública e organización
Orzamento	704.000.000 €
Sede	University of Helsinki main building (en)
Localización
	60°10′10″N 24°57′00″L / 60.1694, 24.95
Estado	Finlandia
Axencia Rexional	Axencia administrativa rexional de Finlandia meridional
Rexión	Uusimaa
Concello	Helsinqui
Datas
Fundación	26 de marzo de 1640
Persoas e organizacións
Fundador	Cristina I de Suecia
Reitor	Sari Lindblom (en)
Número de membros	4.383 e 3.256
Número estudiantes	31.312
Membro de
	Utrecht Network (en) , ORCID, Asociación de Universidades Europeas, arXiv, League of European Research Universities, FinELib (en) , Coalition for Advancing Research Assessment (en) , Associação Internacional de Universidades (pt) e Una Europa vzw
Composto por
	Helsinki University Library (en)
Contacto
Páxina WEB	helsinki.fi…
Redes
	[ Wikidata ]

A Universidade de Helsinqui, en finés Helsingin Yliopisto (abreviatura HY) e en sueco Helsingfors Universitet (abreviatura HU), é unha universidade pública, a máis antiga de Finlandia, e a maior en canto ao número de estudantes e facultades, cunha ampla gama de disciplinas dispoñíbeis.

No ano 2018, 31 200 estudantes matriculáronse nos programas de estudos da universidade. Deles 16 647 cursaban un grao, 9 976 eran estudantes de posgrao, e 4 316 de doutoramento, repartidos en 11 facultades e 11 institutos de investigación.^[1]

A universidade é bilingüe e imparte ensinanzas por lei tanto en finés como en sueco. Dado que o sueco, aínda que un idioma oficial de Finlandia, é unha lingua minoritaria, o finés é de lonxe o idioma dominante na universidade. O ensino en inglés é extenso en toda a universidade a nivel de máster, licenciado e doutoramento, o que o converte nun terceiro idioma de ensino de facto.

Manténdose fiel ao seu espírito tradicionalmente humboldtiano, a Universidade de Helsinqui pon grande énfase na ensinanza e a investigación de alta calidade dun estándar internacional superior.^[2]

Historia

A universidade foi fundada en 1640 pola raíña Cristina de Suecia na cidade de Turku (ou Åbo), cando Finlandia formaba parte do Imperio sueco, co nome de Real Academia de Turku, ou Real Academia de Åbo (en sueco: Kungliga Akademin i Åbo ou Åbo Kungliga Akademi, en latín: Regia Academia Aboensis, en finés: Turun akatemia).

Foi a única universidade finlandesa que se fundou cando o país aínda formaba parte do Imperio sueco.

Cando Finlancia foi anexionada ao Imperio ruso e se convertera no Gran Ducado de Finlandia baixo a soberanía do tsar, pasou a chamarse Academia Imperial de Turku. En 1828, despois do grande incendio de Turku de 1827, a institución trasladouse a Helsinqui, de acordo co traslado da capital do Gran Ducado, por estar situada máis cerca de San Petersburgo e porque, ademais, os novos mandatarios rusos vían con receo os estreitos lazos que seguía mantendo Turku coa capital sueca, Estocolmo. En Helsinqui a Academia foi rebautizada como Universidade Imperial Finlandesa de Alexandre, na honra do tsar Alexandre I e, tras a independencia de Finlandia en 1917, recibiu o seu actual nome, Universidade de Helsinqui, que se considera sucesora directa da Academia de Turku.

Na actualidade

A partir do 1 de agosto de 2005, a universidade cumpre coa estrutura harmonizada do Proceso de Boloña a nivel europeo e ofrece títulos de bacharel, máster, licenciado e doutoramento.^[3]

A admisión aos programas de grao adoita determinarse en probas de acceso, no caso dos títulos de bacharel, e nos resultados previos do título, no caso dos títulos de máster e posgrao. A entrada é particularmente selectiva (aproximadamente só o 15 % dos solicitantes son admitidos cada ano). Foi clasificada entre as 100 mellores universidades do mundo segundo as clasificacións ARWU, QS e THE de 2016.^[4]^[5]^[6]

A Universidade de Helsiqui é membro de varias importantes redes universitarias internacionais, como Europaeum, UNICA, a Rede Utrecht, e membro fundador da Liga de Universidades Europeas de Investigación.

Personalidades que estudaron nesta Universidade

Elias Lönnrot (1802-1884), recompilador do Kalevala.
Adolf Erik Nordenskiöld (1832-1901), xeólogo, explorador do ártico.
Hugo Gyldén (1841-1896), astrónomo.
Anders Donner (1854-1938), astrónomo.
Karl Fritiof Sundman (1873-1949), astrónomo.
Mika Waltari (1908-1979), escritor.
Tarja Halonen (1943-), avogada, Presidenta de Finlandia entre 2000 e 2012.
Harri Holkeri (1937-2011), Primeiro Ministro de Finlandia entre 1987 e 1991.
Linus Torvalds, (1969-), computador científico (creador de Linux).
Ernst Leonard Lindelöf (1870-1946), matemático.
Rolf Nevanlinna (1895-1980), matemático.
Lars Ahlfors (1907-1996), matemático, un dos dous primeiros en recibir a medalla Fields en 1936.
Björn Kurtén (1924-1988), paleontólogo.
Juho Kusti Paasikivi (1870-1956), Presidente de Finlandia entre 1946 e 1956.
Artturi Ilmari Virtanen (1895-1973), premio Nobel de química de 1945.
Jorma Ollila (1950-), dirixente de Nokia.
Olli Rehn (1962-), comisario europeo.
Jean Sibelius (1865–1957) compositor.
Kaarlo Juho Ståhlberg (1865-1952), Presidente de Finlandia entre 1919 e 1925.
Pehr Evind Svinhufvud (1861-1944), Presidente de Finlandia entre 1931 e 1937.
Pekka Himanen, (1973-) filósofo, profesor da Universidade de Helsinqui e da Berkeley en California.

Notas

↑ Erro na cita: Etiqueta <ref> non válida; non se forneceu texto para as referencias de nome university-in-numbers
↑ Helsingin Sanomat, International Edition – Metro, 2.3.2006. "Assay finds research at University of Helsinki is of high international standard".[1] Arquivado 11 de setembro de 2014 en Wayback Machine.
↑ "Bologna Process at the University of Helsinki" (PDF). Arquivado dende o orixinal (PDF) o 3 de marzo de 2016. Consultado o 28 de maio 2021.
↑ "Archived copy". Arquivado dende o orixinal o 18 de novembro de 2011. Consultado o 28 de maio de 2021.
↑ "World University Rankings". Top Universities. Consultado o 28 de maio de 2021.
↑ "World University Rankings 2016". Consultado o 28 de maio de 2021.

Véxase tamén

Outros artigos

Ligazóns externas

Páxina web (en inglés).

[university-in-numbers-1] Erro na cita: Etiqueta <ref> non válida; non se forneceu texto para as referencias de nome university-in-numbers

[2] Helsingin Sanomat, International Edition – Metro, 2.3.2006. "Assay finds research at University of Helsinki is of high international standard".[1] Arquivado 11 de setembro de 2014 en Wayback Machine.

[3] "Bologna Process at the University of Helsinki" (PDF). Arquivado dende o orixinal (PDF) o 3 de marzo de 2016. Consultado o 28 de maio 2021.

[4] "Archived copy". Arquivado dende o orixinal o 18 de novembro de 2011. Consultado o 28 de maio de 2021.

[5] "World University Rankings". Top Universities. Consultado o 28 de maio de 2021.

[auto-6] "World University Rankings 2016". Consultado o 28 de maio de 2021.

[1]

[2]

[3]

[4]

[5]

[6]