Tiberio

Emperador Tiberio.

Tiberio Claudio Nerón (en Latín: Tiberius Claudius Nero), nado en Roma o 16 de novembro do 42 a. C. e finado o 16 de marzo do 37 d. C. na súa vila de Lúculo, foi un emperador romano da Dinastía Xulio-Claudia.

Era fillo de Livia Drusila e fillo adoptivo de Octavio Augusto. Sucedeu ó seu pai adoptivo e gobernou o Imperio Romano do 14 d. C. ó 37 d. C., co nome de Tiberio Xulio César Augusto. Foi militar de carreira, destacando as súas campañas contra os panonios e os dálmatas. Tamén foi importante a súa expedición punitiva contra os xermanos que derrotaran ás lexións de Quintilio Varo na fraga de Teotoburgo. Pertencente a gens Claudia por parte de nai, emparentou ca gens Iulia ao divorciarse súa nai de Tiberio Claudio Nerón e contraer matrimonio con Octavio Augusto. Esta unión fortaleceuse co matrimonio do propio Tiberio ca filla do Emperador, Xulia A Maior, quedando patente cando foi adoptado formalmente por Octavio, outorgándoselle poderes tribunicios.

Como Tribuno reorganizou o exército, modificando as leis marciais, creando novas lexións e aumentando os anos de servizo de todo cidadán romano a 20.

Co paso do tempo Octavio Augusto enemistouse con Tiberio, chegando a exilialo na Illa de Rodas, de onde volveu e foi nomeado sucesor imperial trala morte de dous dos netos de Octavio, Cayo César e Lucio Xulio César e o desterro por traizón do terceiro neto, Póstumo César, e ante a falta de herdeiro.

Tiberio Claudio Neron sucedeu co nome de Tiberio Julio César Augusto a Octavio Augusto no trono imperial o 19 de agosto do ano 767 dende a fundación de Roma, o ano 14 segundo o calendario cristián.

Trala morte do seu fillo Xulio César Druso no ano 23 adoptou ao seu neto Calígula como sucesor e o seu goberno comezou a derivar, rematando en terror. O 26 d. C. autoexiliase deixando a administración nas mans dos prefectos pretorianos Lucio Elio Sejano e Quinto Nevio Cordo Sutorio Macro.

Imperio Romano
Segue a: Octavio Augusto	Tiberio (14-37)	Precede a: Calígula
	Dinastía Xulio-Claudia