Johán Vicente Viqueira
| Johán Vicente Viqueira | |
|---|---|
 |
|
| Nacemento: | 22 de outubro de 1886 Madrid |
| Falecemento: | 29 de agosto de 1924 Bergondo (A Coruña)  Galicia |
| Lingua: | Galego, castelán |
| Xénero(s): | Poesía, ensaio, |
Johán Vicente Viqueira Cortón, nado en Madrid o 22 de outubro de 1886 e finado en Bergondo o 29 de agosto de 1924, foi un escritor galego, ao que no ano 1974 se lle dedicou o Día das Letras Galegas.
Índice |
[editar] Traxectoria
De familia galega, naceu en Madrid, pero viviu ata os 12 anos en Vixoi (Bergondo). En 1898 trasladouse a Madrid para estudar na Institución Libre de Enseñanza. o que o puxo en contacto co pensamento científico moderno. Dende os 15 anos sufriu unha enfermidade crónica nos cadrís, polo que pasa épocas inmobilizado e mesmo foi operado en París dúas veces.
En 1911 licenciase en filosofía pola Universidade de Madrid e amplía estudos en Alemaña ata 1914. Logo de dar clase na Institución Libre de Enseñanza aproba por oposición en abril de 1917 a cátedra de psicoloxía do Instituto de Santiago de Compostela, en maio casa con Jacinta Landa e a fin de ano trasládase ao Instituto da Coruña, alí ingresa nas Irmandades da Fala, chegando mesmo a ser o presidente das IF da Coruña, e colabora con A Nosa Terra.
[editar] Obra
Viqueira escribiu en castelán obras sobre filosofía, psicoloxía e pedagoxía como Introducción a la Psicología pedagógica, Elementos de Ética, Lecciones elementales de historia de la Filosofía, Ética y Metafísica, La Psicología contemporánea e traducións de Teócrito, Inmanuel Kant ou David Hume. A maioría da produción en galego de Viqueira editárona os seus amigos no volume Ensayos y Poesías en 1930.
A obra galega de Viqueira centrouse sobre todo no sistema educativo, na súa galeguización e na súa reforma, así como na ortografía do galego que Viqueira quería que se achegase á portuguesa, o artigo publicado n' A Nosa Terra en 1918 Pol-a reforma da ortografía, considérano algúns o nacemento do reintegracionismo[Cómpre referencia].
[editar] Véxase tamén
[editar] Ligazóns externas
- Ficha de Johán Viqueira na BVG.
- Páxina do autor en Praza das Letras.
- Johán Vicente Viqueira no Álbum da Ciencia de culturagalega.org.
| Predecesor: Manuel Lago González |
Día das Letras Galegas 1974 Johán Vicente Viqueira |
Sucesor: Xoán Manuel Pintos Villar |
|
||||||||
