Matrimonio
O matrimonio é unha unión entre dús persoas cun recoñecemento social, cultural ou xurídico, que ten por fin fundamentar a fundación dun grupo familiar aínda que tamén proporcionar un marco de protección mutua ou de protección da descendencia. Pode ser motivado por intereses persoais, económicos, sentimentais, de protección da familia ou como medio para obter calquera tipo de vantaxe.
O matrimonio pode ser civil ou relixioso e, dependendo da relixión ou do ordenamento xurídico, os dereitos, deberes e requisitos do matrimonio son distintos. Agora ben, non todas as sociedades establecen a distinción entre matrimonio civil e relixioso, válida só en Occidente. Ata hai menos de dous centurias só había matrimonio relixioso, ó que se consideraba mesmo un sacramento.
Índice |
Características xerais [editar]
A forma máis habitual de matrimonio é entre un home e unha muller, aínda que a definición precisa desta relación varía dunhas culturas a outras. En distintos tempos e lugares recoñecéronse outras variedades. Estatisticamente, as sociedades que permiten a poligamia como variedade aceptada de matrimonio son máis frecuentes que as que só permiten a monogamia. Sen embargo, a monogamia é a práctica máis común mesmo nas primeiras.
O matrimonio considérase un concepto importante porque contribúe a definir a estrutura da sociedade, ó crear un vencello de parentesco entre persoas xeralmente non próximas en liña de sangue. Unha das súas funcións amplamente recoñecidas é a reprodución e socialización dos fillos, así coma a de regular o nexo entre os individuos e a súa descendencia que resulta no parentesco, rol social e status.
Nas sociedades de influencia occidental adóitase distinguir entre matrimonio relixioso e matrimonio civil, sendo o primeiro unha institución cultural derivada dos preceptos dunha relixión, e o segundo unha forma xurídica que implica un recoñecemento e un conxunto de deberes e dereitos legal e culturalmente definidos.
Véxase tamén [editar]
Outros artigos [editar]
- Voda
- Gens (matrimonio na Roma Antiga)
- Matrimonio entre persoas do mesmo sexo
- Matrimonio sororal
- Monogamia
- Poligamia
- Unión civil
