Universidade de Burgos

Universidade de Burgos
Hospital del Rey
Datos xerais
Localización	42°20′28″N 3°43′42″O
Fundación	27 de maio de 1994 (29 anos)
Datos actuais
Reitor	Manuel Pérez Mateos
Alumnos	7660
Datos de contacto
Enderezo	Hospital del Rey s/n, 09001 Burgos
Páxina web	www.ubu.es
[ editar datos en Wikidata ]

A Universidade de Burgos, creada en 1994, é a universidade pública da cidade española de Burgos.

A pesar da súa recente creación, en 2012 colocouse á cabeza en investigación dentro de Castela e León.

Historia

A Universidade foi creada como tal no ano 1994, como escisión da Universidade de Valladolid, a partir do campus que esta tiña na cidade de Burgos. Desde entón, foi crecendo organicamente e desenvolvéndose en novos campos do coñecemento.

Nun primeiro momento foi rexida por unha comisión xestora, presidida polo catedrático de Valladolid Marcos Sancristán Represa até 1997. O seu primeiro reitor foi o catedrático José María Leal Villalba, desde 1997 ao 2008. O seu sucesor foi o catedrático Alfonso Murillo Villar que ao cumprir o máximo de mandato foi substituído en 2016 polo catedrático Manuel Pérez Mateos.

En 2013 a UBU comezou a impartir os graos de Lingua e Literatura, de Enxeñaría Informática, de Ciencia Política e de Xestión Pública, Historia e Patrimonio e Turismo en liña. En 2014, obtivo a avaliación favorable para ser campus de excelencia internacional.

Hospital do Rei.

Instalacións

Hospital da Concepción.

Situación

Complexo residencial Miguel Delibes.

As instalacións da Universidade de Burgos sitúanse en dous campus:

• San Amaro / Hospital do Rei: Situado ao oeste da cidade de Burgos, na antiga saída da cidade que compartían a estrada cara a Portugal (N-620) e a estrada cara a Vigo (N-120). Nel atópanse o reitorado, os servizos centrais, a biblioteca, o polideportivo, o comedor e a residencia universitaria Camiño de Santiago, así como as facultades de Ciencias, de Ciencias Económicas e Empresariais, de Dereito, de Educación, de Humanidades e Comunicación, de Ciencias da Saúde e o edificio «A Milanera» da Escola Politécnica Superior.
• Río Vena / Vigón: Situado ao norte da cidade na saída cara a Cantabria N-623 (Av. Cantabria, anteriormente Av. do Xeneral Vigón), no Polígono Docente. Era a sede orixinal da Escola Politécnica Superior, anteriormente Escola Universitaria Politécnica de Burgos dependente da Universidade de Valladolid e embrión da universidade actual. No pasado tamén se localizaban outros centros como a Escola Universitaria de Estudos Empresariais e a Escola Universitaria de Maxisterio.
• Outras instalacións: o Hospital da Concepción e o complexo residencial e docente de Miguel Delibes en Sedano.

Facultade de Educación.

Centros

Escola Politécnica Superior, Edif. La Milanera.

Facultade de Ciencias.

Facultade de Empresariais.

Residencia Universitaria.

A Universidade de Burgos desenvolve as súas funcións en distintos centros, sete deles son centros propios para a formación de grao e máster, un oitavo é de terceiro ciclo e outro é un centro adscrito:

Facultade de Ciencias Ciencias Económicas e Empresariais Ciencias da Saúde Dereito Educación Humanidades e Comunicación

Escola Politécnica Superior de Doutoramento Universitaria de Relacións Laborais (centro adscrito)

Ademais, a Universidade dispón dun centro de Investigación e Desenvolvemento e de tres institutos:

• Centro I+D+i situado no Parque científico tecnolóxico
• Instituto de Administración Pública
• Instituto Universitario de Restauración
• Instituto de Formación e Innovación Educativa
• Complexo Residencial «Miguel Delibes» (Sedano)

Hospital do Rei

O Hospital do Rei foi fundado por Afonso VIII de Castela en 1195, xunto ao Camiño Francés ao seu paso por Burgos.

Dependente do Mosteiro de las Huelgas constituía un gran centro de acollida de peregrinos.

Xunto á súa entrada, atópase a ermida de San Amaro e o cemiterio onde se enterraba aos peregrinos que morrían.

Recentemente realizouse unha restauración e retiráronse os exvotos que cubrían as paredes da ermida.

O Hospital do Rei é un conxunto renacentista, que conserva algúns restos do primitivo hospital medieval (os alicerces da antiga igrexa).

A entrada faise a través da Porta dos Romeus, que é o símbolo da Universidade. Trátase dun arco decorado por ambos os lados, no que se atopan referencias xacobeas, así como as efixies dos fundadores (Afonso VIII e a raíña Leonor).

Accédese ao Patio dos Romeus, delimitado pola igrexa do Hospital, da que destaca a súa entrada e a súa porta; o interior do templo é de estilo barroco.

O atrio da igrexa dá paso á Aula Magna da Facultade, utilizada para os actos solemnes.

A Casa del Fuero Viejo acolle a gran Aula Romeros.

Pola súa banda, na Casa dos Sancristáns atópase o Decanato da Facultade de Dereito e o acceso á cafetaría.

Traspasada a Casa dos Sancristáns, chégase ao Patio de Comendadores, onde se atopa o edificio do Reitorado, que destaca pola súa fachada con celosías de madeira. Outros lugares de interese son a Sala de Lectura e o Edificio Departamental.

Os restos foron restaurados e cedidos para acoller as dependencias da universidade a finais dos anos oitenta.

Esa restauración foi galardoada co Premio Europa Nostra.

Máis adiante, restaurouse a Porta dos Romeros, sacando á luz todo o seu esplendor. No Hospital do Rei atópanse o Reitorado e a Facultade de Dereito.

Na contorna axardinada atópase o Taboleiro de Xadrez onde no verán organízanse actividades musicais coincidentes cos Cursos de Verán da universidade.

Doutores Honoris Causa

Data de nomeamento	investidura	Doutor honoris causa	Profesión
	06/03/1998	Rafael Frühbeck de Burgos	Músico burgalés. Director de orquestra
	06/03/1998	José Vela Zanetti	Pintor burgalés
	10/05/2001	Michele Forina	Químico
	10/05/2001	Fernando Tejerina García	Reitor da Univ. de Valladolid durante a creación da UBU
	20/04/2007	Antonio María Rouco Varela	Cardeal Arcebispo de Madrid
	20/04/2007	Emiliano Aguirre Enríquez	Paleontólogo. Primeiro director dos xacementos de Atapuerca (1978-1990)
17/12/2009	30/04/2010	Juan Luís Arsuaga Ferreras	Codirector dos xacementos de Atapuerca (1991-)
17/12/2009	30/04/2010	José María Bermúdez de Castro	Codirector dos xacementos de Atapuerca (1991-)
17/12/2009	30/04/2010	Eudald Carbonell i Roura	Codirector dos xacementos de Atapuerca (1991-)
17/12/2009	17/09/2010	Geoffrey Parker	Historiador e hispanista
	1/03/2013	Félix Rodríguez de la Fuente	Naturalista e divulgador burgalés (investido in memorian)
	23/05/2013	Umberto Eco	Escritor
16/07/2013	25/10/2013	José Antolín Toledano	Industrial
	15/06/2015	Luis Rojas-Marcos	Psiquiatra, investigador e profesor
15/09/2015	por determinar	Mario Vargas Llosa	Escritor
15/09/2015	por determinar	Iñaki Gabilondo	Xornalista

Véxase tamén

Ligazóns externas

• Grados en liña na Universidade de Burgos