Luís Amado Carballo
| Luís Amado Carballo | |
|---|---|
 |
|
| Nacemento: | 2 de maio de 1901 Pontevedra  Galicia |
| Falecemento: | 3 de setembro de 1927 Pontevedra Galicia |
| Lingua: | Galego |
| Xénero(s): | Poesía |
Luís Amado Carballo, nado en Pontevedra o 2 de maio de 1901 e finado na mesma cidade o 3 de setembro de 1927, foi un escritor galego. En 1982 dedicóuselle o Día das Letras Galegas.
Índice |
Traxectoria [editar]
Cursou estudos de Filosofía e Letras, mais non os rematou, aínda que esta formación lle permitiría posteriormente exercer de mestre de escola, traballo que compaxinou co xornalismo.
En 1920 trasládase a Madrid coa idea de dedicarse ao xornalismo, cousa que só consegue parcialmente. Leva unha vida bohemia e asiste a algunhas tertulias literarias. De volta en Pontevedra, en 1922 fundou xunto con Xoán Vidal Martínez a revista Alborada. En 1924, despois de exercer de mestre con carácter interino, ingresou como redactor de La Concordia en Vigo e despois en El Pueblo Gallego.
Morreu na súa viña natal aos vinte e sete anos a consecuencia da tuberculose.
Obra [editar]
Pese a ser tamén autor en prosa, Amado Carballo é coñecido fundamentalmente pola súa creación poética de vangarda e como fundador do hilozoísmo. Malia finar novo, tivo moita aceptación lírica no seu tempo. A súa poesía, influída polas vangardas europeas e americanas, ofrece unha mestura das imaxes vangardistas coas formas tradicionais galegas (octosílabo). O elemento cromático está moi presente en toda a súa obra en verso, da cal a grande protagonista é a paisaxe, especialmente da ría de Pontevedra, unha paisaxe que o autor quere presentar humanizada mediante o uso de prosopopeas. A poesía de Amado Carballo está enormemente conectada cos sentidos, tecendo os poemas con metáforas.
Prosística [editar]
- Maliaxe (Pontevedra, 1922)
- Os pobres de Deus (Lar, 1925)
Poética [editar]
- Proel (Pontevedra, 1927)
- O Galo (1928, publicación póstuma)
Recompilacións [editar]
Véxase tamén [editar]
Ligazóns externas [editar]
| Predecesor: Vicente Risco |
Día das Letras Galegas 1982 Luís Amado Carballo |
Sucesor: Manuel Leiras Pulpeiro |
|
||||||||
