Nestorianismo

Doutrina cristiá predicada polo bispo de Constantinopla Nestorio no século V. Defendía que Cristo ten dúas naturezas, humana e divina, independentes. Con isto, ponse en dúbida o caracter de Nai de Deus da Virxe María. Esta suposta dualidade en Xesús de Nazareth foi condenada no concilio de Éfeso. Considerada herexía pola Igrexa Católica Romana, a Igrexa Ortodoxa, a Igrexa Armenia, a Igrexa Ortodoxa Copta e a Igrexa Siríaca, pero aceptada pola Igrexa Apostólica de Asiria. Esta última tivo grandes éxitos misioneiros en Asia central e Extremo Oriente. Hoxe é unha comunidade a piques de desaparecer, especialmente tras a guerra de Iraq.