Kaaba

Kaaba - الكعبة

Un peregrino realiza unha oración preto da Kaaba.
País:	Arabia Saudí
Cidade:	A Meca
Construtor:	Profeta Adán
Datas:	605 - Reconstrución da Kaaba Quraish 638 - Reconstrución de Abdullah ibn az-Zubayr 693 - Reconstrución de Abdul-Malik ibn Marwan 1629 - Reconstrución na época do sultán Murad Khan 1996 - Restauración da Kaaba
Base:	11,03 m × 12,86 m
Altura:	13,1 m
Mapa de localización
Mecca Localización da Kaaba en Arabia Saudí.

Kaaba (árabe: الكعبة ou Al Ka'abah Al Musharafah : الكعبة المشرًّفة tamén: al-Bait ul Ateeq البيت العتيق e al-Bait ul Haram البيت الحرام) é unha construción reverenciada polos musulmáns, na mesquita sagrada de Masjid al-Haram na Meca, e é considerado polos devotos do Islam como o lugar máis sagrado do mundo.

A Kaaba é unha construción cúbica de 15,24 m de altura e está cercada por muros de 10,67 m e 12,19 m de altura. Está permanentemente coberta por unha manta escura con bordados dourados que é regularmente substituída. No seu interior aópase a Pedra Negra (Hajar-ul-Aswad), unha pedra escura de preto de 50 cm de diámetro, considerada unha das reliquias máis sagradas do Islam. É probabelmente o resto dun meteorito.

Historia

A Kaaba é o lugar máis sagrado do Islam, e centro das peregrinacións (hajj), e é para onde se vira o devoto musulmán durante os seus rezos diarios (salat).

No período pagán, a Kaaba probabelmente simbolizaba o sistema solar, abrigando 360 ídolos, sendo así unha representación zodiacal. Cando o profeta Mahoma repudiou todos os deuses pagáns e proclamou un Deus único, Alá, a Kaaba pasou de ser un centro de perigrinación pagá a un centro da nova fe.

O edificio foi varias veces restaurado, sendo a actual construción datada no século VII, substituindo a máis antiga que foi destruída no cerco de Meca en 683.

Segundo algunhas lendas islámicas, a Kaaba foi construída por Adán para adorar ao Señor Deus. Segundo o Corán, os fundamentos da Kaaba estableceunos Abraham, que recibiu a pedra negra do anxo Gabriel.

Hoxe, a Kaaba representa a casa de Deus. Para o musulmán, que se volta cara ela nas súas preces diarias, representa non só o centro do mundo, senón o centro do propio universo.

Estrutura da Kaaba

Kaaba	Dimensións

Kaaba - الكعبة

En tempos de Mahoma, a tribo de Quraish era a encargada de gardar o santuario da Kaaba. Mahoma era fillo dun mercader pertencente a esa tribo. الحجر الأسود Al-Ħajaru l-Aswad, a Pedra Negra, está situada na esquina oriental da Kaaba. A esquina norte coñécese como Ruknu l-ˤĪrāqī, a "esquina iraquí", a occidental como Ruknu sh-Shāmī, ou "recuncho de Levante", e a sur como Ruknu l-Yamanī a "esquina Iemení". Son as catro esquinas da Kaaba ou puntos cara ós catro puntos cardinais. O maior (longo) eixo está alineado coa saída da estrela Canopus cara ó que se dirixe a súa parede sur, mentres que o seu eixo menor (as súas fachadas leste e oeste) están máis ou menos alineadas coa saída do sol no solsticio de verán e a posta de sol do solsticio de inverno. A Porta da entrada mide 2,13 m dende o chan e está situada no muro norte-oriental, situada na fachada. En 1979 as portas foron feitas con 300 kg de ouro polo mestre artesán Ahmad bin Ibrahim Badr para substituír as portas de prata antigas feitas polo seu pai en 1942. Hai unha escada con rodas de madeira, normalmente gardada na mesquita entre a porta en forma de arco de Banū Shaybah e Zamzam Well. Meezab-i Rahmat, cano de auga de ouro para a choiva. Engadido na reconstrución de 1627 despois das inundacións que causaron o derrube de tres dos catro muros da Kaaba. šādarwān, reforzo engadido tamén en 1627 para protexer os cimentos de inundacións. hatīm-Hatim, a parede baixa é parte orixinal da Kaaba. É unha parede semicircular oposta, pero non conectada, está situada no N-W da Kaaba coñecida como Hatim. Ten 90 cm de altura e 1,5 m de ancho, e está feita de mármore branco. Vai tempo o espazo que hai entre o Hatim e a Kaaba pertencía á propia Kaaba, e por esta razón non se introduxo durante o tawaf. Algúns cren que a tumba de Ismael e a súa nai Agar atópase neste lugar. Os peregrinos non andan pola zona comprendida entre a parede e a Kaaba. Al-Multazam, é a parte do muro entre a Pedra Negra e a porta de entrada. مقام إبراهيم , Maqām Ibrāhīm, Estación de Abraham, protexido por unha furna de vidro e metal onde segundo a tradición Abraham deixou as pegadas dos seus pés. Esquina da Pedra Negra (Sur-Este). Esquina de Iemen (Sur-Oeste). Os peregrinos tradicionalmente pasan a man sobre unha grande pedra vertical que forma a esquina. Esquina de Siria (N-O). Esquina de Iraq (N-E). Kiswa, tea que envolve e cubre a Kaaba. A Kiswa é unha tea de seda negra e bordada en ouro, trócase tódolos anos durante a peregrinación Hajj. As dúas terceiras partes da súa altura é unha banda de ouro bordada con textos coránicos, incluído a Shahada, a declaración islámica de fe. Banda de mármole que marca o inicio e fin das circunvalacións. Estación de Gabriel (مقام جبريل, Maqām Yibrīl).

Véxase tamén

Outros artigos

• Islam
• Mahoma
• Relixión
• Meca

Ligazóns externas

• Kaaba
• Historia da Caaba (Ligazón morta)
• The History of Kaaba (Ligazón morta)
• Video de 2'42" do interior da Kaaba. Imaxes por ordenador e reais (en Youtube)