Nacionalismo kurdo

Bandeira de Kurdistán (en kurdo: Alaya Kurdistanê.

Rexión habitada polos kurdos segundo a CIA (1992).

O nacionalismo kurdo (en kurdo: Kurdayetî, کوردایەتی) é un movemento político nacionalista que afirma que os kurdos son unha nación e defende a creación dun estado en Kurdistán, en oposición aos varios nacionalismos (turco, árabe, iraniano, iraquí e sirio) dos estados nos que habitan os kurdos.

As primeiras formas de nacionalismo kurdo teñen as súas raíces no Imperio Otomán, onde os kurdos eran un grupo étnico significativo. Coa partición do Imperio Otomán, os territorios con maioría kurda estiveron divididos entre os novos estados de Turquía, Iraq e Siria, sendo os kurdos unha minoría étnica significativa en cada un destes estados. Os movementos nacionalistas kurdos foron fortemente suprimidos en Turquía e os países de maioría árabe de Iraq e Siria, todos os cales temen unha potencial independencia do Kurdistán. Algúns kurdos de Irán tamén son nacionalistas, aínda que este movemento político é tradicionalmente máis feble en Irán que noutras partes de Kurdistán.

Véxase tamén

Bibliografía

• Arin, Kubilay Yado, Turkey and the Kurds – From War to Reconciliation? UC Berkeley Center for Right Wing Studies Working Paper Series, 26 de marzo de 2015. https://www.academia.edu/11674094/Turkey_and_the_Kurds_From_War_to_Reconciliation
• Behrendt, Günter Max (1993). Nationalismus in Kurdistan. Hamburg, ISBN 3-89173-029-2.
• Gürbey, Gülistan (1996). "The development of the Kurdish Nationalism Movement in Turkey". En Robert W. Olson. The Kurdish Nationalist Movement in the 1990s: Its Impact on Turkey and the Middle East. University Press of Kentucky. pp. 9–37. ISBN 0-8131-0896-9. 
• McDowall, David (1992). "The Kurds: A Nation Denied". Londres: Minority Rights Publications. 
• Natali, Denise (2005). The Kurds and the State: Evolving National Identity in Iraq, Turkey, And Iran. NY: Syracuse University Press. ISBN 978-0-8156-3084-5.