Nacionalismo uigur

Na Galipedia, a Wikipedia en galego.
Saltar ata a navegación Saltar á procura
Bandeira (Kök Bayraq) símbolo do movemento independentista do Turquestán Oriental.

O nacionalismo uigur é unha forma de nacionalismo que defende que os uigures, unha minoría étnica da rexión de Xinjiang na China, son unha nación distinta. O nacionalismo uigur promove a unidade cultural do pobo uigur, xa sexa como grupo independente ou como grupo rexional dentro dunha nación chinesa meirande.

Como pobo titular da Rexión Autónoma Uigur de Xinjiang e un grupo étnico oficialmente recoñecido entre as "56 flores", a noción do nacionalismo uigur é moi controvertida dentro da comunidade uigur, aínda que algúns grupos da diáspora defenden a idea dun estado-nación independente.

O nacionalismo uigur adoita estar ligado en diversos graos ao movemento separatista do Turquestán Oriental, tamén coñecido como movemento de independencia uigur. Actualmente, a base de poboación primaria e tradicional do pobo uigur é Xinjiang, unha rexión autónoma da China, que tamén é coñecida como "Turquestán Oriental" polos activistas separatistas.

Independentismo de Turquestán Oriental[editar | editar a fonte]

O movemento independentista de Turquestán Oriental, tamén coñecido como movemento separatista de Xinjiang ou movemento independentista uigur, é un movemento político que procura a independencia da Rexión Autónoma Uigur de Xinjiang.[1][2] Xinjiang unha grande e pouco poboada rexión autónoma da República Popular da China que se atopa no noroeste do país, fogar dos uigures, que son un pobo de orixe turca e de relixión maioritariamente musulmá. Dentro do movemento, existe un apoio maioritario a cambiar o nome da rexión, xa que "Xinjiang" é percibido polos activistas independentistas como un nome colonial. "Turquestán Oriental" é o nome proposto máis coñecido, así como "Uigurstán".

Notas[editar | editar a fonte]

  1. Deaths From Clashes in China's Xinjiang Area Rises to 35 Arquivado 6 de outubro de 2014 en Wayback Machine.. Bloomberg. Consultado o 12 de xullo de 2013.
  2. The Uyghurs in Xinjiang – The Malaise Grows Arquivado 11 de maio de 2013 en Wayback Machine.. Chinaperspectives.revues.org. Consultado o 12 de xullo de 2013.