Nacionalismo nixeriano

Na Galipedia, a Wikipedia en galego.
Bandeira de Nixeria.
Herbert Macaulay, o fundador do nacionalismo nixeriano.

O nacionalismo nixeriano é un movemento político nacionalista que defende que os nixerianos forman unha nación e promove a súa unidade cultural.[1][2] O nacionalismo nixeriano é un nacionalismo territorial, que enfatiza a conexión cultural da xente coa terra, en particular os ríos Níxer e Benue.[3] Xurdiu por primeira vez na década de 1920 baixo a influencia de Herbert Macaulay, quen é considerado o fundador do nacionalismo nixeriano.[4] Foi fundado en base á necesidade de que as persoas que vivían na colonia británica de Nixeria, que tiñan de múltiples orixes culturais e étnicas, se unisen como un só pobo para poder resistir o colonialismo.[5][6] Os pobos de Nixeria uníronse para responder ás discrepancias coa política británica. "O problema do nacionalismo étnico en Nixeria veu coa chegada do colonialismo. Isto ocorreu cando grupos dispares, autónomos, heteroxéneos e subnacionais se fusionaron para formar unha nación. De novo, os colonialistas crearon desequilibrios estruturais dentro da nación en termos de proxectos socioeconómicos, desenvolvemento social e estabelecemento de centros administrativos. Este desequilibrio afondou as antipatías entre as diversas nacionalidades étnicas en Nixeria (Nnoli, 1980; Young, 1993 e Aluko, 1998)."[7] O obxectivo dos nacionalistas nixerianos de lograr a independencia para Nixeria como estado soberano conseguiuse en 1960, cando Nixeria declarou a súa independencia e rematou o dominio colonial británico.[1] Dende entón, o goberno de Nixeria intentou unificar os distintos pobos e rexións de Nixeria nun único sentimento nacional.[1]

Notas[editar | editar a fonte]

  1. 1,0 1,1 1,2 Motyl 2001, pp. 372.
  2. Luke Uka Uche. Mass media, people, and politics in Nigeria. Concept Publishing Company, 1989. Pp. 23-24
  3. Guntram H. Herb, David H. Kaplan. Nations and Nationalism: A Global Historical Overview. Santa Barbara, California, USA: ABC-CLIO, Inc., 2008. Pp. 1184.
  4. Luke Uka Uche. Mass media, people, and politics in Nigeria. Concept Publishing Company, 1989. Pp. 23
  5. Luke Uka Uche. Mass media, people, and politics in Nigeria. Concept Publishing Company, 1989. Pp. 23-24
  6. Toyin Falola, Saheed Aderinto. Nigeria, nationalism, and writing history. Rochester, New York, USA: Rochester University Press, 2010. Pp. 256.
  7. Alulo, M.A.O. "Ethnic Nationalism and the Nigerian Democratic Experience in the Fourth Republic" (PDF). 

Véxase tamén[editar | editar a fonte]

Bibliografía[editar | editar a fonte]