Azawad

Na Galipedia, a Wikipedia en galego.
Azawad
ⴰⵣⴰⵓⴷ
أزواد

2012

Bandeira

Localización de Azawad en verde, reclamado pola MNLA, con Malí en gris.
Capital Tombouctou (proclamada)
Gao (provisional)
Lingua Tuareg · Songhay · Fula
Hassānīya
francés
Goberno Consello de Transición do Estado de Azawad
(Conseil de Transition de l'Etat de l'Azawad, CTEA)
Historia
 • Establecido 2012
 • Disolución 2012
¹Desde o século XII fíxase finalmente en Compostela.
Este artigo amosa letras tifinagh. Sen o soporte axeitado, o texto pode mostrar símbolos sen sentido, coma caixas, marcas e outros.
Este artigo amosa letras árabes. Sen o soporte axeitado, o texto pode mostrar símbolos sen sentido, coma caixas, marcas e outros.

Azawad[1][2] (tuareg: ⴰⵣⴰⵓⴰⴷ, árabe: أزواد‎, francés: Azaouad ou Azaouâd[3]) foi un estado non recoñecido de curta duración que declarou unilateralmente a súa independencia despois do conflito no que o MNLA xunto con outros grupos derrotaron á Armada de Malí no 2012. O territorio reclamado comprendía as rexións de Tombouctou, Kidal, Gao e Mopti, todas as cales eran recoñecidas internacionalmente como parte de Malí.[4] O territorio controlado por Azawad limitaba con Malí e Burkina Faso polo sur, Mauritania polo oeste, Alxeria polo norte, e Níxer polo leste. Inicialmente os seus esforzos foron apoiados por varios grupos islamistas.

Gao era a meirande cidade do seu territorio e serviu temporalmente como capital,[5] mentres que Tombouctou, que é a segunda cidade en tamaño, era a pretendida capital das forzas independentistas.[6]

O 6 de abril de 2012, nun comunicado publicado na súa páxina web, o National Movement for the Liberation of Azawad, que é quen controla a rexión, declara a "irrevogable" independencia de Azawad de Malí. O anuncio non foi apoiado por ningunha entidade estranxeira. O 26 de maio dese ano, o MNLA e o seu antigo inimigo Ansar Dine anunciaron un pacto no que se fusionarían para formar un estado islámico baixo a lei da xaria.[7] Algunhas fontes posteriores indicaron que o MNLA decidira rachar co pacto, distanciándose de Ansar Dine.[8][9] Ansar Dine declarou máis tarde que rexeitaba a idea da independencia de Azawad.[10] Despois do colapso deste acordo efémero, o MNLA e Ansar Dine continuaron a loitar entre eles,[11] culminando na Batalla de Gao o 27 de xuño, no que os grupos islamistas "Movemento pola Unidade da Xihad en África Occidental e Ansar Dine tomaron o control da cidade. O día seguinte, Ansar Dine anunciou que tiña o control de tódalas cidades do norte de Malío, poñendo fin ó estado.[12]

O 14 de febreiro de 2013, o MNLA renunciou o seu obxectivo da independecia para Azawad e expresou o seu desexo de comezar negociacións co goberno de Malí sobre o seu status futuro.[13][14]

Notas[editar | editar a fonte]

  1. Clarín.com (31/05/2012). «Rebeldes tuareg e islamistas anuncian la creación de un estado escindido de Mali» (en español). Consultado o 27 de maio de 2012. 
  2. DiarioVasco.com (04/02/2012). «El norte de Malí ya es de los tuareg». DiarioVasco.com (en español). Consultado o 6 de abril de 2012. 
  3. «Déclaration d'indépendence de l'Azawad». Mouvement National de libération de l'Azawad. 6 de abril de 2012. Consultado o 6 de abril de 2012. 
  4. «Mali Tuareg rebels control Timbuktu as troops flee». BBC News. 1 April 2012. Consultado o 3 April 2012. 
  5. «Tuaregs claim 'independence' from Mali». Al Jazeera. 6 de abril de 2012. Consultado o 6 de abril de 2012. 
  6. «Mali: A scramble for power». The Muslim News. 8 de abril 2012. Consultado o 8 de abril de 2012. 
  7. BBC News, ed. (26 de maio de 2012). «Mali Tuareg and Islamist rebels agree on Sharia state». Consultado o 27 de maio de 2012. 
  8. Biiga, Bark (3 de xuño de 2012). «Nord Mali: le MNLA refuse de se mettre "en sardine"!» (en francés). FasoZine. Consultado o 3 de xuño de 2012. 
  9. «Mali Islamists Reopen Talks With Tuareg Rebels». Voice of America. 2 de xuño de 2012. Consultado o 2 de xuño de 2012. 
  10. Google News, ed. (20 de xuño de 2012). «Mali Islamists want sharia not independence». Agence France-Presse. Consultado o 28 de xullo de 2012. 
  11. BBC News, ed. (8 de xuño de 2012). «Mali rebel groups 'clash in Kidal'». 
  12. Tiemoko Diallo; Adama Diarra (28 de xuño de 2012). «Islamists declare full control of Mali's north». Reuters. Consultado o 28 de xullo de 2012. 
  13. «Mali's Tuareg fighters end ceasefire». AlJazeera. 30 de novembro de 2013. Consultado o 28 de decembro de 2013. 
  14. «Tuareg separatist group in Mali 'ends ceasefire'». BBC. 29 de novembro de 2013. Consultado o 28 de decembro de 2013. 

Véxase tamén[editar | editar a fonte]

Commons
Commons ten máis contidos multimedia na categoría: Azawad Modificar a ligazón no Wikidata

Bibliografía[editar | editar a fonte]