Nacionalismo austríaco
O nacionalismo austríaco é o nacionalismo que afirma que os austríacos son unha nación e que promove a unidade cultural dos austríacos.[1] O nacionalismo austríaco desenvolveuse orixinalmente como un nacionalismo cultural que resaltaba unha identidade relixiosa católica. Á súa vez, caracterízouse pola súa oposición a unificación con Prusia, de maioría protestante, algo que era percibido como unha ameaza potencial ao núcleo católico da identidade nacional austríaca.[2]
O nacionalismo autríaco xurdiu por primeira vez durante as guerras napoleónicas, con Joseph von Hormayr como o máis prominente líder político nacionalista autríaco daquela.[3] Na década de 1930, o goberno da Fronte Patriótica de Engelbert Dollfuss e Kurt Schuschnigg rexeitou as aspiracións panxermánicas de unir Austria cunha Alemaña dominante protestante, aínda que non rexeitou totalmente unha unión potencial e afirmou que calquera unificación de Austria con Alemaña requiriría dun estado federal alemán onde se garantise a Austria e aos austríacos o status privilexiado que recoñecese a unha nación austríaca dentro dunha "Kulturnation" alemá.[4] Despois dos eventos da segunda guerra mundial e o nazismo, os austríacos comezaron a rexeitar a identidade xermánica, a cal foi substituída por unha identidade austríaca máis ampla.[5][6] Despois da guerra, houbo quen chegou a describir a Austria como a "primeira vítima de Hitler".[7]
No período logo da segunda guerra mundial, aqueles que recoñecían a Austria como unha nación rexeitaron a identidade alemán dos austríacos e enfatizaron o patrimonio non alemán entre a poboación austríaca, incluíndo o pasado celta, ilirio, romano e eslavo.[8] Os defensores nacionalistas afirmaron que os austríacos tiñan herdanza celta, xa que Austria é o territorio da primeira cultura característica celta, a cultura de Hallstatt.[9] Os austríacos contemporáneos expresan o seu orgullo por ter patrimonio celta e Austria posúe unha das maiores coleccións de artefactos celtas en Europa.[10]
O nacionalismo austríaco foi desafiado internamente. O principal nacionalismo rival foi o nacionalismo alemán. Outro nacionalismo rival emerxeu despois da derrota do Imperio Austrohúngaro na primeira guerra mundial, o nacionalismo bavarés, o cal desafiou a nova Primeira República Austríaca con propostas de unificación con Baviera.[11] Nesta época o goberno bavarés tiña especial interese en incorporar as rexións de Tirol do Norte e Alta Austria a Baviera.[12] Este foi un asunto importante despois da primeira guerra mundial, cun número destacado de tiroleses do norte de Austria que declararon a súa intención de que o Tirol do Norte se unise a Baviera.[13]
Notas[editar | editar a fonte]
- ↑ Motyl 2001, pp. 31-32.
- ↑ Spohn, Willfried (2005). Austria: From Habsburg Empire to a Small Nation in Europe. Entangled identities: nations and Europe (Ashgate). p. 61.
- ↑ Owen Connelly. The French revolution and Napoleonic era. Harcourt College Publishers, 1999. Pp. 254.
- ↑ Discursive Construction of National Identity. P. 52.
- ↑ Motyl 2001, p. 32.
- ↑ Tschiggerl, Martin (2021). "Significant otherness nation-building and identity in postwar Austria". Nations and Nationalism (en inglés). ISSN 1469-8129. doi:10.1111/nana.12677.
- ↑ Beniston 2003.
- ↑ Bruckmüller 1993, pp. 198–9.
- ↑ Carl Waldman, Catherine Mason. Encyclopedia of European Peoples. Infobase Publishing, 2006. P. 42.
- ↑ Kevin Duffy. Who Were the Celts? Barnes & Noble Publishing, 1996. P. 20.
- ↑ Suda Lorena Bane, Ralph Haswell Lutz. Organization of American Relief in Europe, 1918-1919: Including Negotiations Leading Up to the Establishment of the Office of Director General of Relief at Paris by the Allied and Associated Powers. Stanford University Press, 1943. P. 119.
- ↑ Macartney 1926, p. 112.
- ↑ Carsten 1986, p. 3.
Véxase tamén[editar | editar a fonte]
 |
A Galipedia ten un portal sobre: Austria |
Outros artigos[editar | editar a fonte]
Bibliografía[editar | editar a fonte]
- Beniston, Judith (2003). " 'Hitler's First Victim'? — Memory and Representation in Post-War Austria: Introduction". Austrian Studies 11: 1–13. JSTOR 27944673.
- Bijman, R. C. (2009). Clerical Fascism?: A Controversial Concept and its Use (PDF). MA thesis. Utrecht: Utrecht University.
- Bruckmüller, Ernst (1993). "The national identity of the Austrians". In Mikuláš Teich and Roy Porter, eds., The National Question in Europe in Historical Context (pp. 196–227). Cambridge: Cambridge University Press. ISBN 978-0-521-36441-6.
- Carsten, F. L. (1986). The First Austrian Republic, 1918–1938: A Study Based on British and Austrian Documents. Aldershot: Gower. ISBN 978-0-566-05162-3.
- Diamant, Alfred (1957). "Austrian Catholics and the First Republic, 1918–1934: A Study in Anti-Democratic Thought". The Western Political Quarterly 10 (3): 603–633. JSTOR 443538.
- Macartney, C. A. (1926). The Social Revolution in Austria. Cambridge: Cambridge University Press.
- Motyl, Alexander J. (2001). Encyclopedia of Nationalism, Volume II. Academic Press. ISBN 0-12-227230-7.
- Wodak, Ruth; de Cilia, Rudolf; Reisigl, Martin; Liebhart, Karin (2009). The Discursive Construction of National Identity (Second ed.). Edimburgo: Edinburgh University Press. ISBN 978-0-7486-3726-3.
