Nacionalismo afrikaans

Na Galipedia, a Wikipedia en galego.
Saltar ata a navegación Saltar á procura
Bandeira dos afrikaans.

O nacionalismo afrikaans (en afrikaans: Afrikanernasionalisme) é unha ideoloxía política que xurdiu a finais do século XIX entre os afrikaans de Suráfrica. Orixinalmente estivo fortemente influído polo sentimento antibritánico que creceu entre os afrikaans, especialmente por mor das guerras bóers.[1]

De acordo co historiador T. Dunbar Moodie, o nacionalismo afrikaans podería describirse como un tipo de relixión civil que mestura a historia dos afrikaans, unha lingua formalizada (o afrikaans) e o calvinismo afrikaans como elementos principais. Algúns dos principais defensores da ideoloxía foron a organización secreta Broederbond e o Partido Nacional que gobernou o país dende 1948 ata 1994.[2] Outras organizacións achegadas á ideoloxía do nacionalismo afrikaans foron a Federació de Organizacións Culturais Afrikaans (en afrikaans: Federasie van Afrikaanse Kultuurvereniginge; FAK), o Instituto para a Educación Nacional Cristiá e a Asociación pola Protección dos Traballadores Brancos.[3]

Notas[editar | editar a fonte]

  1. "Afrikaner Nationalism – MSN Encarta". Arquivado dende o orixinal o 31 de outubro de 2009. Consultado o 12 de marzo de 2021. 
  2. "Apartheid – Rise of Afrikaner Nationalism". Net Industries. Arquivado dende o orixinal o 10 de outubro de 2008. Consultado o 1 de outubro de 2008. 
  3. Louw, P. Eric (2004). The Rise, Fall, and Legacy of Apartheid. Greenwood Publishing Group. pp. 27–55. ISBN 0-275-98311-0.