Ana Isabel Boullón Agrelo

Ana Isabel Boullón Agrelo, nada na Proba do Caramiñal en 1962, é unha lingüista galega.

Traxectoria

Licenciada en Filoloxía Galego-Portuguesa pola Universidade de Santiago de Compostela, doutorouse coa tese Contribución ó estudo da antroponimia medieval galega (séculos VIII-XIII) (1993), e é profesora da mesma universidade. Traballa en temas relacionados coa lingua e a toponimia. Participou na elaboración do Dicionario normativo galego-castelán (1988), Vocabulario comercial básico (1988), Dicionario escolar galego (1990), Léxico administrativo castelán-galego (1991) e do Dicionario dos nomes galegos (1992). É colaboradora das revistas Verba e Cadernos da Lingua e no proxecto PATROM (Patronymica Romanica) para a elaboración do Ditionnaire historique des noms de famille romans.

Obras

• Contribución ó estudo do léxico de Valentín Lamas Carvajal, 1986.

Obras colectivas

• Estudios dedicados a Celso Emilio Ferreiro, 1992.
• Guía bibliográfica da lingüística galega, 1996.
• Homenaxe a Pilar Vázquez Cuesta, 1996.
• Homenaxe a Ramón Lorenzo, 1998.

Como editora

• Teatro de máscaras, de Ramón Otero Pedrayo, 1989 (con Fernando R. Tato Plaza)

Como tradutora

• Un ordenador nada ordinario, de Michele Kahn, 1990.

Véxase tamén

Ligazóns externas

• Ficha no Dicionario de autores/as do Barbanza