Río Rons
| Río Rons | |
|---|---|
 O río Rons co río Gándara na foz das Marismas de Alba, na Xunqueira de Alba | |
| País |  España |
| Comunidade Autónoma |  Galicia |
| Caudal medio | n/d m³/s |
| Caudal relativo | n/d L/s/km² |
| Desembocadura | Río Lérez, Ría de Pontevedra (océano Atlántico) |
| Altitude desembocadura | 2 m |
| Cadea fluvial | 6 Km |
 | |
| Conca do río Lérez, marcada en azul escuro | |
O Rons é un río que discorre polo concello de Pontevedra e desauga no río Lérez no seu treito final na Xunqueira de Alba, na parte norte da cidade de Pontevedra. A foz no río Lérez localízase na zona das Correntes, así chamada porque neste punto xúntanse as correntes dos ríos Rons e Lérez e mailas augas da ría de Pontevedra
Percorrido[editar | editar a fonte]
A lonxitude do río Rons é de aproximadamente seis quilómetros. É o río que forma o encoro da cidade de Pontevedra, o encoro de Pontillón de Castro, situado na parroquia pontevedresa de Verducido. Nace moi preto do monte Acibal e parte duns poucos metros ao norte do Encoro de Pontillón de Castro até o río Gándara. Ambos conflúen na parroquia de Alba e xa co nome de Gándara desembocan na maior zona húmida do municipio de Pontevedra: as marismas de Alba, que forman parte do parque da Xunqueira de Alba.
O río pasa por varias parroquias do municipio de Pontevedra, partindo de Verducido e pasando no seu treito alto por Cerponzóns. Nesta parroquia no lugar de Leborei é cruzado por unha ponte do século XVIII[1] que ten un cruceiro monumental, chamado o cruceiro de Ánimas.
Consérvanse varios muíños no curso do río. No seu treito baixo pasa pola parroquías de Campañó e de Alba (Santa María), polo lugar de San Caetano, e por prados e bosques de ribeira. A partir de San Caetano pasa a formar parte do río Gándara, que desemboca nas marismas de Alba. É cruzado polas estradas PO-224 e a N-550.
Notas[editar | editar a fonte]
- ↑ "El BNG demanda la regeneración del puente del siglo XVIII sobre el río Rons". Faro. Consultado o 22 de xuño de 2015.
