Verduras

Verduras

As verduras son hortalizas nas que a parte comestible son os órganos verdes da planta, tal e como poden ser os talos, as follas etc. e que forman parte da alimentación humana. Case todas elas son de baixo contido en graxas e calorías, representando ademais fontes de vitaminas, minerais, fibra e hidratos de carbono. A definición do que é verdura é de uso máis 'popular' que 'científico' e está suxeita a diversas interpretacións culturais. Dende un punto de vista culinario as plantas (ou os seus froitos) que non posúen un sabor doce (agás algunhas excepcións) considéranse verduras. A produción comercial de verduras é unha ponla da horticultura denominada olericultura.

Orixes das verduras

Cenorias de diferentes tipos e cores.

As principais verduras teñen a súa orixe nos diferentes continentes (segundo J.R. Harlan: Les plantes cultivées et l'homme. Presses universitaires de France, Paris 1987 [1]) segundo esta distribución:

• Oriente Medio e Asia
  • Allo, remolacha, cenoria, col, leituga, lentellas, nabos, cebolas, perexil, allo porro, chícharos, ravo.
• África
  • Gombo, gourde, niébé.
• Europa
  • Apio.
• China do Norte
  • Col chinesa, cogombro, berenxena de Xapón, xenxibre, feixón azuki, nabos, ravos chineses, soia.
• Sueste Asiático
  • Berenxena, taro.
• América Central - (México)
  • Feixón de Lima, mandioca, batata, feixón verde
• América do Sur - (Andes)
  • Cabaza, feixón verde, feixón de Lima, pemento, pataca, quinoa, tomate, topinambour

Tipoloxía por orixe

Porén pódese distribuír as diferentes verduras pola parte da planta dedicada á alimentación ou que é comestible, deste xeito tense que as verduras normalmente proceden de:

• Bulbos: colirrábanos, cebolas, fiúncho
• Brotes: alfalfa
• Folla: aceda, calquera variedade de col, leituga, espinaca, acelga
• Inflorescencia: alcachofa, coliflor, brócoli
• Froito: cabaza, tomate, pemento, berenxena, cogombro
• Raíz: nabo, cenoria
• Sementes: chícharo, fabas
• Talo: allo porro, espárrago, apio
• Tubérculo: iuca, patacas, ravo

Por contido de Hidratos de Carbono

Existen nesta categoría tres grupos dependendo do contido de hidratos de carbono:

• Grupo A (apenas): espinaca, berenxena, col, leituga, pemento, tomate e cabaza.
• Grupo B (ata o 10% de hidratos de carbono): alcachofas, cebolas, nabos, allo porros, cabazas, cenorias e remolacha.
• Grupo C (ata un 20%): batatas, patacas e millo tenro.

Véxase tamén

Ligazóns externas

• Verduras de temporada: de toda confianza (en castelán)