Repolo

O repolo ou col (Brassica oleraceae var. viridis), é unha planta comestible da familia das brasicáceas. É unha herbácea bienal, cultivada como anual, cuxas follas poden ser ovais, oblongas, lisas, rizadas ou circulares dependendo da súa variedade, e forman un ollo compacto moi característico.

As diferentes variedades foron obtidas a partir da especie silvestre, conocida xa dende hai séculos, a través dos cruces e da selección para adaptalas a condicións climáticas diferentes.

Cultivo

O seu cultivo como verdura destinada á alimentación humana e animal remonta á antigüidade, e estendeuse a partir de formas salvaxes orixinarias da Europa meridional. O repolo ou col pode sementarse nun primeiro momento en interiores (en sementeiro) ou directamente no exterior. Como todos os membros da familia das Brassicaceae, ten a súa colleita nas épocas máis frescas do ano, aínda que preferentemente en outono.

O control dos parasitos dos cultivos é de gran importancia, en particular en relación ós ataques das eirugas de moitas bolboretas da familia das pieridae.

Variedades

Existen dúas variedades principais de repolos: as de cedo (temperás) e as serodias.

• Repolo de cedo: as variedades temperás maduran en 50 días aproximadamente. Producen ollos pequenos e destínanse ó consumo inmediato, xa que non resisten o almacenamento.
• Repolo serodio: as variedades serodias maduran ós 80 días, producindo ollos moito máis grandes e son destinadas á provisión invernal.

• 

  Repolo común

• 

  Repolo rizado
  

• 

  Repolo rizado (detalle do ollo).

Consumo

Consúmese tanto cociñado como en ensalada e pódese conservar cocido, conxelarse tras escaldar primeiro e incluso preparalo como chucrut (col fermentada que se utiliza como condimento ou acompañamento).

Composición e propiedades

O repolo é rico en vitaminas C, A, calcio e β-caroteno, ademais de ter un alto contido de fibra.