Gazpacho

Gazpacho
Gazpacho servido.
Outros nomes	Gaspacho
Tipo	Sopa
Temperatura	Frío
Orixe	Andalucía Alentexo, Algarve, Portugal
Gastronomía	Gastronomía de Andalucía Gastronomía de Portugal
Prato vegano
Ingredientes
Orixe vexetal	Tomate Pemento Cogombro Allo Pan
Condimentos	Aceite de oliva Vinagre
Variantes	Ajoblanco
Relacionados
Similares	Salmorejo Ajoblanco

O gazpacho ou gaspacho é unha sopa fría elaborada con ingredientes en cru, tradicional do sur da Península Ibérica. Desde tempos moi antigos era unha versión fría das sopas de allo, é dicir que ten como ingredientes básicos pan, auga, aceite de oliva, allo, cogombro e sal, ás veces sos, coma no gazpacho estremeño, e outras veces engadindo outros materiais para darlle sabor, por exemplo ovo cocido (así é no gazpacho cordobés).

Entre os ingredientes máis primitivos encontrábanse as améndoas na variante chamada ajoblanco de Andalucía oriental (Granada e Málaga); noutros casos, laranxas amargas coma en Sevilla ou a fariña de fabas secas. Á hora de servir poden poñerse por enriba uns anacos pequenos de alimento, tropezones, que no caso do ajoblanco tradicionalmente son uvas.

Ingredientes para unha variedade de gazpacho.