Pemento xalapeño

Na Galipedia, a Wikipedia en galego.
Xalapeño
Xalapeños verdes
Xalapeños verdes
Clasificación científica
Reino: Plantae
División: Magnoliophyta
Clase: Magnoliopsida
Subclase: Asteridae
Orde: Solanales
Familia: Solanaceae
Xénero: Capsicum
Especie: C. annuum
Subespecie: C. annuum var. annuum
Nome trinomial
Capsicum annuum var. annuum
L.
Variedade cultivar

Chipotle

Xalapeños en sazón.

O chile xalapeño —así chamado pola cidade mexicana onde se produce, Xalapa, en Veracruz— ou chile cuaresmeño; é unha das variedades de pementos picantes (C. annuum) máis extensamente cultivadas e consumidas en América. Só en México dedícanse máis de 6000 hectáreas á súa produción, principalmente na conca do río Papaloapán, no norte de Veracruz e na zona de Delicias, en Chihuahua; en menor escala, plántase tamén en Xalisco, Nayarit, Sonora, Sinaloa e Chiapas.

O froito do xalapeño é carnoso e alongado, alcanzando os 7 cm. de lonxitude e cuns 3 de ancho na base. Emprégase tanto antes como despois da maduración; unha parte importante da produción total destínase ao secado, proceso tralo cal se lle coñece como chipotle (do náhuatl chilpoctli, que significa "afumado"). É unha variedade medianamente picante, entre 2 e 8000 puntos na escala Scoville, aínda que a intensidade do sabor depende en gran medida das características do terreo e da variedade de semente; as máis habituais son típico, meco e morita.

Como os restantes cultivos de C. annuum, o xalapeño seméntase habitualmente pouco antes do comezo da estación húmida, aproveitando as altas temperaturas. Normalmente apáñase arredor de 70 días trala planta, obtendo entre 25 e 35 froitos por unidade.