Hormona

Epinefrina (adrenalina), unha hormona do tipo catecolamina.

As hormonas (do grego ὁρμή - "ímpeto") son substancias químicas liberadas por células que afectan ao metabolismo doutras células noutras partes do corpo. Só se precisa unha pequena cantidade de hormona para modificar o metabolismo doutra célula. Trátase basicamente dun mensaxeiro químico que leva un sinal dunha célula a outra. Todos os organismos multicelulares producen hormonas: as hormonas vexetais denomínanse fitohormonas. As hormonas nos animais son a miúdo transportadas no sangue. As células responden a unha hormona cando expresan un receptor específico para esa hormona. A hormona únese á proteína receptora, o que resulta na activación dun mecanismo de transdución de sinais que, en última instancia leva a unha resposta celular específica.

As hormonas endócrinas son moléculas secretadas (liberadas) directamente no torrente sanguíneo, mentres que as hormonas exócrinas (ou ectohormonas) son secretadas directamente nun conduto, e desde este conduto flúen ao torrente sanguíneo ou ben difunden de célula a célula nun proceso coñecido como sinalización parácrina.

Hormonas humanas importantes

Estrutura	Nome	Abre- viatura	Tecido	Células	Mecanismo	Tecido diana	Efecto
amino - triptófano	Melatonina (N-acetil-5-metoxitriptamina)		glándula pineal	pinealocito			antioxidante e causa sono
amino - triptófano	Serotonina	5-HT	SNC, tracto GI	células enterocromafines			Inflúe no humor, apetito e sono

Véxase tamén

Outros artigos

• Endocrinoloxía
• Sistema endócrino
• Neuroendocrinoloxía
• Hormonas vexetais ou reguladores do crecemento vexetal
• Sinalización autócrina
• Sinalización parácrina
• Sinalización celular
• Intrácrino
• Citoquina
• Factor de crecemento
• Disruptor hormonal
• Autacoide
• Feromona

Ligazóns externas

• The Hormone Foundation
• Hormones and Nutrition