Metabolismo
O metabolismo e o conxunto integrado das reaccións químicas que teñen lugar nunha célula. Está constítuido por series de reaccións que forman unha rede complexa, ordenada e interconectada de vías ou rutas metabólicas. A función destas reaccións é obter e transformar materia e enerxía.
- A parte do metabolismo na que as macromoléculas son degradadas noutras máis pequenas (obtendo enerxía en cada unha desas degradacións) e o catabolismo.
- A parte que que se encarga de construir moléculas grandes a partir doutras máis pequenas (gastando así enerxía) e o anabolismo.
Anabolismo e catabolismo son procesos interconectados e simultáneos. O equilibrio entre ambos mantense grazas á regulación do metabolismo.
[editar] Catabolismo
O catabolismo é a degradación de moléculas orgánicas reducidas noutras máis oxidadas con transferencia de enerxía libre a intermediarios transportadores como o ATP. A secuencia de reaccións enzimáticas que constitúe o catabolismo degrada o esqueleto covalente dunha determinada molécula.
Cada tipo de molécula: glícidos,lípidos e aminoácidos, será degradada nunha ruta catabólica diferente.
Nos organimos superiores, estas rutas desembocan nas rutas centrais,polo que o catabolismo é un proceso converxente.
[editar] Anabolismo
O anabolismo é a produción de moléculas orgánicas a partir de precursores oxidados e de enerxía e poder redutor proporcionados polo ATP e o NADPH respectivamente. É a parte do metabolismo que se encarga da construción das moléculas orgánicas. Esta construción parte de moléculas pequenas e oxidadas e é necesario reducilas.
[editar] Tipos de metabolismo
Segundo a fonte de enerxía utilizada os organismos poden clasificarse en:
- Quimiotrofos: son capaces de sintetizar materia orgánica a partir de materia inorgánica.
- Quimioorganotrofos: obteñen a enerxía necesaria para formar a súa materia orgánica mediante unha serie de reaccións redox a partir de compostos orgánicos doutros seres vivos. (oxidación - redución).
- quimiolitotrofos: Empregan a enerxía e poder redutor que lles outorgan compostos inorgáncios.
- Fototrofos: A enerxía obtéñena das ondas electromagnéticas, mediante a fase clara da fotosíntese
Por outra parte, segundo a fonte de carbono empregada os organismos clasifícanse:
- Heterótrofos: Xa que empregan materia orgánica, doutros organismos
- Autótrofos:son os que, mediante o ciclo de Calvin, ciclo do glioxilato ou inverso a Krebs, fixan dióxido de carbono atmosférico
