Gónada

Na Galipedia, a Wikipedia en galego.

As gónadas (do grego antigo γονή goné = xeración, xerme), son os órganos reprodutores dos animais que producen gametos, ou células sexuais. (Os órganos equivalentes das plantas denomínanse gametanxios).

Nos vertebrados tamén exercen unha función hormonal, polo que tamén se denominan glándulas xenitais ou glándulas sexuais.

  • As gónadas femininas denomínanse ovarios.
  • As gónadas masculinas denomínase testículos.
  • Algúns animais hermafroditas presentan unha estrutura gonadal única que produce ambos os gametos, denominada ovotestes.