Relaxina

Na Galipedia, a Wikipedia en galego.
Relaxina.

A relaxina é unha hormona proteica descrita en 1926 por Frederick Hisaw. [1][2]

A familia de péptidos similares á relaxina pertence á superfamilia da insulina e consta de 7 péptidos de gran semellanza estrutural pero baixa semellanza secuencial, que son as relaxinas 1 (RLN1), 2 (RLN2) e 3 (RLN3), e os péptidos similares á insulina (INSL), INSL3, INSL4, INSL5 e INSL6. As funcións da relaxina-3, INSL4, INSL5, e INSL6 non foron aínda caracterizadas. [3]

Síntese[editar | editar a fonte]

Na femia prodúcese no corpo lúteo do ovario, no peito e, durante o embarazo, na placenta, corion, e decidua.

No macho prodúcese na próstata e está presente no seme humano. [4]

Estrutura[editar | editar a fonte]

Estructuralmente, a relaxina é un heterodímero formado por dúas cadeas peptídicas de 24 e 29 aminoácidos unidas por pontes disulfuro, e está relacionada coa insulina.

A relaxina prodúcese a partir da súa prohormona, "prorelaxina", á que se lle elimina unha cadea peptídica adicional.

Funcións[editar | editar a fonte]

Nos humanos[editar | editar a fonte]

Nos machos a relaxina potencia a motilidade de esperma no seme. [5] Nas mulleres a relaxina prodúcese principalmente no corpo lúteo, tanto en mulleres preñadas coma non preñadas; a súa produción chega a un pico aproximadamente 14 días despois da ovulación, e despois declina se non hai embarazo, e prodúcese a menstruación. Durante o primeiro trimestre de xestación, os seus niveis aumentan e a decidua produce relaxina adicional.

O papel ou a necesidade de relaxina durante o embarazo humano aínda está a investigarse, xa que nos humanos o seu pico atínguese durante as 14 semanas do primeiro trimestre de embarazo e no parto. Crese que relaxa a sínfise pubiana.

Noutros animais[editar | editar a fonte]

Nos animais a relaxina alarga o óso púbico e facilita o parto; abranda o cérvix (maduración cervical), e relaxa a musculatura uterina. Por esta razón, durante un longo tempo, a relaxina foi vista como unha hormona do embarazo. Porén, pode ter máis efectos. A relaxina afecta ao metabolismo do coláxeno, inhibe a síntese de coláxeno e aumenta a súa degradación ao incrementar as metaloproteinases da matriz. [6] Tamén aumenta a anxioxénese e é un potente vasodilatador renal.

Receptores[editar | editar a fonte]

A relaxina interacciona co receptor da relaxina LGR7 (RXFP1) e o LGR8 (RXFP2), que pertencen á superfamilia de receptores acoplados á proteína G [7]. Estes receptores conteñen un dominio transmembrana heptahelicoidal e un ectodominio glicosilado grande, vagamente relacionado cos receptores de hormonas glicoproteicas, como o receptor de LH ou o receptor de FSH.

Os receptores da relaxina atopáronse no corazón, músculo liso, tecido conectivo, e sistema nervioso central e autónomo.

Enfermidades[editar | editar a fonte]

Non se describiron trastornos específicos relacionados coa relaxina, aínda que se suxeriu que ten unha relación co escleroderma e a fibromialxia. [8]

Notas[editar | editar a fonte]

  1. "If a Gopher Can Do It ...". Time Magazine. 1944-04-10. http://www.time.com/time/magazine/article/0,9171,796530,00.html. Consultado o 2009-05-20.
  2. Becker GJ, Hewitson TD (March 2001). "Relaxin and renal fibrosis". Kidney Int. 59 (3): 1184–5. DOI:10.1046/j.1523-1755.2001.0590031184.x. PMID 11231378.
  3. Wilkinson TN, Speed TP, Tregear GW, Bathgate RA (February 2005). "Evolution of the relaxin-like peptide family". BMC evolutionary biology 5: 14. DOI:10.1186/1471-2148-5-14. PMC 551602. PMID 15707501. //www.pubmedcentral.nih.gov/articlerender.fcgi?tool=pmcentrez&artid=551602.
  4. MacLennan AH (1991). "The role of the hormone relaxin in human reproduction and pelvic girdle relaxation". Scandinavian journal of rheumatology. Supplement 88: 7–15. PMID 2011710.
  5. Weiss G (February 1989). "Relaxin in the male". Biol. Reprod. 40 (2): 197–200. DOI:10.1095/biolreprod40.2.197. PMID 2497805. http://www.biolreprod.org/cgi/reprint/40/2/197.
  6. Mookerjee I, Solly N, Royce S, Tregear G, Samuel C, Tang M (2006). "Endogenous relaxin regulates collagen deposition in an animal model of allergic airway disease". Endocrinology 147 (2): 754–61. DOI:10.1210/en.2005-1006. PMID 16254028.
  7. Hsu SY, Nakabayashi K, Nishi S, Kumagai J, Kudo M, Sherwood OD, Hsueh AJ. (2002). "Activation of orphan receptors by the hormone relaxin". Science 295 (5555): 674–6. DOI:10.1126/science.1065654. PMID 11809971.
  8. Van Der Westhuizen E, Summers R, Halls M, Bathgate R, Sexton P (2007). "Relaxin receptors--new drug targets for multiple disease states". Curr Drug Targets 8 (1): 91–104. DOI:10.2174/138945007779315650. PMID 17266534.

Ligazóns externas[editar | editar a fonte]