Ayrton Senna

Ayrton Senna
Carreira na Fórmula 1
Nacionalidade	Brasil
Anos en activo	1984–1994
Escudería(s)	Toleman Hart, Lotus, McLaren Honda, Williams
Grandes Premios disputados	162
Campionatos	3 (1988, 1990, 1991)
Vitorias	41
Podios	80
Pole positions	65
Voltas rápidas	19
Primeiro GP	Gran Premio de Brasil de 1984
Primeira vitoria	Gran Premio de Portugal de 1985
Derradeira vitoria	Gran Premio de Australia de 1993
Derradeiro GP	Gran Premio de San Marino de 1994

Ayrton Senna da Silva, nado en San Paulo, Brasil, o 21 de marzo de 1960 e falecido en competición no Autódromo Enzo e Dino Ferrari de Imola durante o Gran Premio de San Mariño o 1 de maio de 1994, foi un piloto de Fórmula 1.

Traxectoria

Foi tres veces campión do mundo, nos anos 1988, 1990 e 1991. Logrou tamén dous subcampionatos en 1989 e en 1993, os dous por detrás do seu gran rival o francés Alain Prost.

O equipo onde Ayrton debutou na Fórmula 1 foi Toleman, para despois competir desde 1985 ata 1987 en Lotus, desde 1988 ata 1993 en McLaren e en 1994 en Williams.

O seu primeiro podio, foi no Gran Premio de Mónaco de 1984, baixo unha intensísima choiva. Ayrton partiu dende a décimo terceira posición na grella e logrou alcanza-la segunda posición detrás de Alain Prost, nunha carreira atípica que só durou 31 voltas. O propio Alain Prost confesou nesa carreira que se chegase Ayrton a alcanza-lo coche de Alain, este o tería deixado pasar, xa que Ayrton ese ano non tería opcións de disputa-lo mundial.

Gañou a súa primeira carreira en 1985 no circuíto de Estoril, en Portugal, baixo unha choiva torrencial, cando militaba no equipo Lotus. Esta vitoria afianzaba a Senna como todo un especialista en correr baixo choiva de feito era capaz de correr en choiva con pneumáticos de seco, como demostrou no Gran Premio de Bélxica de 1992.

Morte

Durante o Gran Premio de San Mariño en Imola, o 1 de maio de 1994, á altura da curva de Tamburello, o monopraza Williams - Renault FW16 de Ayrton Senna estrelouse a case 300 km/h. Foron gravadas as imaxes daquel intre mentres os paramédicos e asistentes da carreira se achegaban aos restos do Williams onde xacía Senna inconscente e con serias feridas na testa. Foi necesario facerlle unha traqueotomía no mesmo circuíto, ata que minutos máis tarde foi trasladado en helicóptero ao hospital Maggiore de Bolonia, onde permaneceu en coma. Pouco máis tarde produciuse a súa morte. Este feito ocorreu un día despois de que outro piloto, o austríaco Roland Ratzenberger, falecera durante as probas de clasificación na curva Gilles Villenueve. O día mesmo da carreira víuse a Senna moi contrariado por dito tráxico feito, así coma tamén polos continuos derrapaxes é saidas de pista de prácticamente tódolos monoprazas, incluído un accidente do seu compatriota Rubens Barrichello ese mesmo fin de semana, dado o caracter relixioso de Senna tiña un presentimento de que algo ia ocurrir nese gran premio hai unhas imaxes de Senna na curva de Tamburello na que atoparía a morte, falando cos comisarios de pista sobre como debería ser a seguranza nese sitio.

Moito se discutiu acerca da causa do accidente e do motivo da súa morte. Recentemente, unha investigación levada a cabo pola National Geographic determinou que a causa do accidente foi unha inesperada derrapaxe debido o enfriamento dos pneus producido pola saida do coche de seguranza, provocando que na metade da curva Ayrton perdera o control do seu monopraza, ao contrario da teoría xeralizada que falaba da routura da dirección. O que acabou coa vida de Ayrton non foi a deceleración brutal que sufreu, senón que co accidente, un anaco da dirección atravesou o capaceto e a súa testa danándoo de maneira irreversible, aínda que permaneceria vivo catro horas máis.

O seu ataúde foi levado polas rúas de São Paulo nun coche de bombeiros, seguido por máis de 2 millóns de persoas. Foi enterrado con honores de xefe de Estado. No seu funeral acudiron pilotos coma Jackie Stewart, Alain Prost e Emerson Fittipaldi entre outros. O seu corpo descansa no cemiterio de Morumbi, na súa cidade natal Sao Paulo.

Curiosidades

• Ayrton Senna confesaba que na curva de Eau Rouge no Circuíto de Spa-Francorchamps falaba con Deus.
• En cada gran premio, Senna acostumaba a realizar dúas voltas desde que saía do pit lane, ata colocarse na grella de saída. No Gran Premio de San Mariño de 1994 realizou tres voltas.
• Senna era un piloto moi relixioso, porén cando acudía a unha igrexa, non lle gustaba que esta estivese chea de xente, senón todo o contrario. Senna quería un deus e que a dedicación fose exclusiva a el.
• Antes de cada gran premio, Senna acostumaba a ler no "motorhome" algunha pasaxe da biblia.

Resultados completos na Fórmula 1

• As carreiras en negra indican pole position; as carreiras en cursiva indican volta rápida.

Ano	Equipo	1	2	3	4	5	6	7	8	9	10	11	12	13	14	15	16	Posición	Puntos
1984	Toleman	BRA Ret	RSA 6	BEL 6	SMR DNQ	FRA Ret	MON 2	CAN 7	USA Ret	USA Ret	RU 3	ALE Ret	AUT Ret	HOL Ret	ITA DNP	EUR Ret	POR 3	9º	13
1985	Lotus	BRA Ret	POR 1	SMR 7	MON Ret	CAN 16	USA Ret	FRA Ret	RU 10	ALE Ret	AUT 2	HOL 3	ITA 3	BEL 1	EUR 2	RSA Ret	AUS Ret	4º	38
1986	Lotus	BRA 2	ESP 1	SMR Ret	MON 3	BEL 2	CAN 5	USA 1	FRA Ret	RU Ret	ALE 2	HUN 2	AUT Ret	ITA Ret	POR 4	MEX 3	AUS Ret	4º	55
1987	Lotus	BRA Ret	SMR 2	BEL Ret	MON 1	USA 1	FRA 4	RU 3	ALE 3	HUN 2	AUT 5	ITA 2	POR 7	ESP 5	MEX Ret	XPN 2	AUS DSQ	3º	57
1988	McLaren	BRA DSQ	SMR 1	MON Ret	MEX 2	CAN 1	USA 1	FRA 2	RU 1	ALE 1	HUN 1	BEL 1	ITA 10	POR 6	ESP 4	XPN 1	AUS 2	1º	90
1989	McLaren	BRA 11	SMR 1	MON 1	MEX 1	USA Ret	CAN 7	FRA Ret	RU Ret	ALE 1	HUN 2	BEL 1	ITA Ret	POR Ret	ESP 1	XPN DSQ	AUS Ret	2º	60
1990	McLaren	USA 1	BRA 3	SMR Ret	MON 1	CAN 1	MEX 20	FRA 3	RU 3	ALE 1	HUN 2	BEL 1	ITA 1	POR 2	ESP Ret	XPN Ret	AUS Ret	1º	78
1991	McLaren	USA 1	BRA 1	SMR 1	MON 1	CAN Ret	MEX 3	FRA 3	RU 4	ALE 7	HUN 1	BEL 1	ITA 2	POR 2	ESP 5	XPN 2	AUS 1	1º	96
1992	McLaren	RSA 3	MEX Ret	BRA Ret	ESP 9	SMR 3	MON 1	CAN Ret	FRA Ret	RU Ret	ALE 2	HUN 1	BEL 5	ITA 1	POR 3	XPN Ret	AUS Ret	4º	50
1993	McLaren	RSA 2	BRA 1	EUR 1	SMR Ret	ESP 2	MON 1	CAN 18	FRA 4	RU 5	ALE 4	HUN Ret	BEL 4	ITA Ret	POR Ret	XPN 1	AUS 1	2º	73
1994	Williams	BRA Ret	PAC Ret	SMR Ret	MON NP	ESP NP	CAN NP	FRA NP	RU NP	GER NP	HUN NP	BEL NP	ITA NP	POR NP	EUR NP	XPN NP	AUS NP	NC	0

Predecesor: Nelson Piquet	Campión da Fórmula 1 1988	Sucesor: Alain Prost
Predecesor: Alain Prost	Campión da Fórmula 1 1990-1991	Sucesor: Nigel Mansell

Véxase tamén

Ligazóns externas

• Vida e obra de Ayrton Senna
• Sitio oficial (en portugués)
• Páxina en memoria a Ayrton Senna